ବାତ୍ୟା ‘ଫନି’ ପ୍ରଭାବିତ ଓଡ଼ିଶାକୁ ହଂକଂ ସରକାର 9 ଲକ୍ଷ ଡଲାରର ସହାୟତା ଦେବାକୁ ଘୋଷଣା କରିଛନ୍ତି । ଏହା ଦ୍ୱାରା 45100 ବାତ୍ୟା ପୀଡ଼ିତ ଉପକୃତ ହେବେ ବୋଲି ଚୀନ୍ର ସରକାରୀ ଗଣମାଧ୍ୟମ ପକ୍ଷରୁ କୁହାଯାଇଛି । ହଂକଂ ମୋଟ 9 ଲକ୍ଷ 2 ହଜାର 278 ଡଲାର ଅର୍ଥ ଦେବ । ହଂକଂର ବିପର୍ଯ୍ୟୟ ରିଲିଫ୍ ପାଣ୍ଠିରୁ ଏହି ଅର୍ଥ ପ୍ରଦାନ କରାଯିବ । ତିନୋଟି ରିଲିଫ୍ ଏଜେନ୍ସୀ ସହାୟତାରେ ଏହି ଅର୍ଥ ଓଡ଼ିଶାର ‘ଫନି’ କ୍ଷତିଗ୍ରସ୍ତଙ୍କ ପାଖରେ ପହଞ୍ଚିବ ବୋଲି ହଂକଂ ସ୍ପେଶାଲ୍ ଆଡ୍ମିନିଷ୍ଟ୍ରେଟିଭ୍ ରିଜିଅନ୍ (ଏଚ୍କେଏସ୍ଏଆର୍)ର ଜଣେ ମୁଖପାତ୍ର କହିଛନ୍ତି । ବାତ୍ୟା ପୀଡ଼ିତଙ୍କୁ ଏହି ଅର୍ଥ ରାଶି ଦେବାକୁ କୁହାଯାଇଛି ।
Tags:
