ସଙ୍କଟରେ କୁମାରସ୍ବାମୀ ସରକାର : 11 କଂଗ୍ରେସ ଓ ଜେଡିଏସ୍‌ ବିଧାୟକଙ୍କ ଇସ୍ତଫା

କୁମାରସ୍ୱାମୀ ସରକାରଙ୍କ ପାଇଁ ସଙ୍କଟ ବଢିବାରେ ଲାଗିଛି । ଆଜି କଂଗ୍ରେସ ଏବଂ ଜେଡିଏସର 11 ଜଣ ବିଧାୟକ ନିଜ ପଦରୁ ଇସ୍ତଫା ଦେଇଛନ୍ତି । ସେମାନେ ବାଚସ୍ପତିଙ୍କ ନିକଟରେ ଇସ୍ତଫା ଦେବା ପାଇଁ ପହଁଚିଥିଲେ । କିନ୍ତୁ ଅଧ୍ୟକ୍ଷ ଅନୁପସ୍ଥିତ ଥିବା କାରଣରୁ ସଚିବଙ୍କୁ ବିଧାୟକମାନେ ଇସ୍ତଫା ପତ୍ର ଦେଇଛନ୍ତି । ଇସ୍ତଫା ଦେଇଥିବା ବିଧାୟକଙ୍କ ମଧ୍ୟରେ ବିସି ପାଟିଲ, ନାରାୟଣ ଗୌଡା, ଶିବରାମ ହେବ୍ୱର, ମହେଶ କୁମାଥଲ୍ଲୀ, ଗୋପାଲୈୟା, ରମେଶ ଜରକିହୋଲୀ, ଏବଂ ପ୍ରତାପ ଗୌଡା ସାମିଲ ଅଛନ୍ତି । ବିଧାନସଭା ବାଚସ୍ପତି ରମେଶ କୁମାର ମଧ୍ୟ 11 ବିଧାୟକଙ୍କ ଇସ୍ତଫା ପତ୍ର ଗୃହୀତ କରିଛନ୍ତି । ତେବେ କୁମାରସ୍ୱାମୀ ଆମେରିକା ଗସ୍ତ କରିଥିବା ସମୟରେ ତାଙ୍କ ପାଇଁ ଅଡୁଆ ବଢିଛି । ତେବେ କର୍ଣ୍ଣାଟକରେ ଜେଡିଏସ-କଂଗ୍ରେସର ରାଜନୀତି ନୂଆ ମୋଡ ନେଲାଣି । ଇସ୍ତଫା ଦେବାକୁ ପହଁଚିଥିବା 11 ଜଣ ବିଧାୟକଙ୍କ ମଧ୍ୟରୁ 4 ଜଣ ସିଦ୍ଧରମୈୟାଙ୍କ ପ୍ରତି ନିଜର ସମର୍ଥନ ଜାହିର କରିଛନ୍ତି ।