ନୂଆଦିଲ୍ଲୀ: ସୁପ୍ରିମକୋର୍ଟ ଆଜି ଏକ ଐତିହାସିକ ନିଷ୍ପତ୍ତି ଦେଇଛନ୍ତି। 1976 ରେ ପାରିତ ହୋଇଥିବା 42 ତମ ସଂଶୋଧନ ଅନୁଯାୟୀ ସମ୍ବିଧାନର ପ୍ରସ୍ତାବନାରେ “ସମାଜବାଦୀ” ଏବଂ “ଧର୍ମନିରପେକ୍ଷ” ଶବ୍ଦର ଅନ୍ତର୍ଭୂକ୍ତ କରିବାକୁ ଚ୍ୟାଲେଞ୍ଜ କରୁଥିବା ଆବେଦନକୁ କୋର୍ଟ ଖାରଜ କରିଛନ୍ତି।
ଭାରତର ପ୍ରଧାନ ବିଚାରପତି (ସିଜେଆଇ) ସଞ୍ଜୀବ ଖାନ୍ନା ଏବଂ ଜଷ୍ଟିସ ସଞ୍ଜୟ କୁମାରଙ୍କ ଏକ ଖଣ୍ଡପୀଠ କହିଛନ୍ତି ଯେ, ସଂସଦର ସଂଶୋଧନ କ୍ଷମତା ପ୍ରସ୍ତାବନା ପର୍ଯ୍ୟନ୍ତ ବିସ୍ତାର ହୋଇଛି। ପ୍ରସ୍ତାବନା ଗ୍ରହଣ କରିବାର ତାରିଖ ସଂସଦର କ୍ଷମତାକୁ ସୀମିତ କରେ ନାହିଁ। ଏହି ଆଧାରରେ ଆବେଦନକାରୀଙ୍କ ଯୁକ୍ତି ଖାରଜ କରାଯାଇଥିଲା। ଶୁଣାଣି ସମୟରେ ସିଜେଆଇ କହିଛନ୍ତି ଯେ, ପ୍ରାୟ ଏତେ ବର୍ଷ ବିତିଗଲାଣି, ବର୍ତ୍ତମାନ କାହିଁକି ଏହି ପ୍ରସଙ୍ଗ ଉଠାଯାଉଛି?
