କାନାଡା ଓପନ୍ ବ୍ୟାଡମିଣ୍ଟନ୍ ଫାଇନାଲ୍ରେ ପ୍ରବେଶ କରିଛନ୍ତି ଭାରତୀୟ ତାରକା ପି କଶ୍ୟପ୍ । ଏହି ପୂର୍ବତନ ରାଜ୍ୟ ଗୋଷ୍ଠୀ ସ୍ବର୍ଣ୍ଣ ପଦକ ବିଜେତା ଏକ କଡା ସଙ୍ଘର୍ଷପୂର୍ଣ୍ଣ ମୁକାବିଲାରେ ଚାଇନିଜ୍ ତାଇପେଇର ଓ୍ବାଙ୍ଗ ଜୁ ଓ୍ବେଇଙ୍କ ପରାସ୍ତ କରି ଫାଇନାଲ୍ରେ ପ୍ରବେଶ କରିଛନ୍ତି । କାନାଡା ଓପନ୍ ସୁପର 100ରେ ଷଷ୍ଠ ସିଡ୍ର ମାନ୍ୟତା ପାଇଥିବା କଶ୍ୟପ୍ ଚତୁର୍ଥ ସିଡ୍ ଓ୍ବାଙ୍ଗଙ୍କୁ 14-21, 21-17 ଏବଂ 21-18 ସେଟ୍ରେ ପରାସ୍ତ କରି ଫାଇନାଲ୍ରେ ପହଞ୍ଚିଥିଲେ । ଶନିବାର ରାତିରେ ଅନୁଷ୍ଠିତ ସେମି ଫାଇନାଲ ମୁକାବିଲାରେ କଶ୍ୟପ୍ 1 ଘଣ୍ଟା 10 ମିନିଟ୍ ସମୟ ନେଇ ବିଜୟୀ ହୋଇଥିଲେ । ଶେଷଥର ପାଇଁ ଅଷ୍ଟ୍ରେଲିଆନ୍ ଓପନ୍ ଫାଇନାଲ୍ରେ ପ୍ରବେଶ କରିଥିଲେ କଶ୍ୟପ୍ । ଫାଇନାଲ୍ରେ କଶ୍ୟପ୍ ଅଣସିଡେଡ୍ ଲି ସି ଫେଙ୍ଗଙ୍କ ମୁକାବିଲା କରିବେ ।
Canada Open badminton: Kashyap enters final