ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫ୍ଙ୍କ ଜେଲ୍ ଦଣ୍ଡାଦେଶ ପଛରେ ଏକ ନୂତନ କାହାଣୀ ସମ୍ମୁଖକୁ ଆସିଛି । ଶରିଫ୍ଙ୍କ ଝି୍ର ମରିୟମ୍ ସରିଫ୍ ଏହି ମାମଲାରେ ବିଚାରପତିଙ୍କୁ ଧମକ ଦିଆଯାଉଥିବା ଏବଂ ଚାପ ପକାଯାଉଥିବାର ଏକ ଭିଡିଓ ଜାରି କରିଛନ୍ତି । ଏହା ସହିତ ଶରିଫ୍ଙ୍କ ସମ୍ପତ୍ତିକୁ ଉଦ୍ଦେଶ୍ୟମୂଳକ ଭାବରେ ନଷ୍ଟ କରାଯାଉଥିବାର ଅଭିଯୋଗ ଆଣିଛନ୍ତି ମରିୟମ୍ । ପାକିସ୍ତାନ ମୁସଲିମ୍ ଲିଗ୍ର ନେତା ନଓ୍ବାଜ ଶରିଫ୍ଙ୍କୁ ଡିସେମ୍ବର 24, 2018 ପରଠାରୁ ଜେଲ୍ରେ ରଖାଯାଇଛି । ଶରିଫ୍ଙ୍କୁ ଜୁଲାଇ 28, 2017ରେ ପାନାମା ପେପର୍ସ ମାମଲାରେ ଗିରଫ କରାଯାଇଥିଲା । ଏହି ମାମଲାର ବିଚାର କରୁଥିବା ବିଚାରପତି ଅର୍ଶାଦ ମଲିକ୍ଙ୍କୁ ନାଶିର ବଟ୍ଟ ଧମକ ଦେଉଥିବା ଏବଂ ମାମଲାର ରାୟ ପରିବର୍ତ୍ତନ ପାଇଁ ଚାପ ପକାଉଥିବାର ନଜର ଆସିଥିଲେ । ଏହି ଭିଡିଓକୁ ପାକିସ୍ତାନ ସରକାରଙ୍କ ପକ୍ଷରୁ ନକଲି ବୋଲି କୁହାଯାଉଛି ।
Tags:
