ଯମୁନା ଏକ୍ସପ୍ରେସ୍ ଓ୍ବେରେ ଏକ ବସ୍ ଦୁର୍ଘଟଣା ଗ୍ରସ୍ତ ହୋଇଛି । ଏହି ଦୁର୍ଘଟଣାରେ 29 ଜଣଙ୍କ ପ୍ରାଣହାନି ଘଟିଥିବା ବେଳେ 17ରୁ ଅଧିକ ଲୋକ ଆହତ ହୋଇଛନ୍ତି । 45ରୁ ଅଧିକ ଯାତ୍ରୀଙ୍କୁ ନେଇ ଦିଲ୍ଲୀ ଅଭିମୁଖେ ଯାତ୍ରା କରୁଥିବା ଏହି ବସ୍ଟି ଏକ ଡିଭାଇଡରରେ ପିଟି ହୋଇ 15 ଫୁଟର ଖାଇକୁ ଖସି ପଡିଥିଲା । ଅବଧ ଏକ୍ସପ୍ରେସ୍ ଓ୍ବେର ଏହି ସରକାରୀ ବସ୍ଟି ଦିଲ୍ଲୀ ଅଭିମୁଖେ ଯାତ୍ରା କରୁଥିବା ବେଳେ ଆଗ୍ରାର ଝରଣା ନଲ୍ଲାରେ ଦୁର୍ଘଟଣାର ସମ୍ମୁଖୀନ ହୋଇଥିଲା । ଭୋର 4.15ରେ ବସ୍ର ଡ୍ରାଇଭରଙ୍କୁ ନିଦ ଲାଗିଯିବାରୁ ବସ୍ଟି ଡିଭାଇଡର୍ରେ ପିଟି ହୋଇ ଯାଇଥିଲା । ଉଦ୍ଧାରକାର୍ଯ୍ୟ ଜାରି ରହିଥିବା ବେଳେ ବର୍ତ୍ତମାନ ସୁଦ୍ଧା 20 ଜଣଙ୍କୁ ଘଟଣାସ୍ଥଳରୁ ଉଦ୍ଧାର କରାଯାଇଛି ବୋଲି ଉତ୍ତର ପ୍ରଦେଶ ପୋଲିସ୍ ମୁଖ୍ୟ ଓ ପି ସିଂ ପ୍ରକାଶ କରିଛନ୍ତି ।
Tags:
