ଉତ୍ତର ପ୍ରଦେଶ ଆଲିଗଡର ଜଣେ ମୁସଲମାନ ମହିଳା ଭାଜପାରେ ଯୋଗଦେବାରୁ ସେ ଭଡା ରହୁଥିବା ଘରର ମାଲିକ ତାଙ୍କୁ ଦୁର୍ବ୍ୟବହାର କରିବା ସହ ଘର ଖାଲି କରିବାକୁ କହିଛନ୍ତି। ଆଉ ଏହାକୁ ନେଇ ଏବେ ପୋଲିସରେ ଅଭିଯୋଗ ଦାଖଲ କରାଯାଇଛି। ସୂଚନାଯୋଗ୍ୟ, ମହିଳା ଜଣଙ୍କ ଶନିବାର ଭାଜପାରେ ଯୋଗ ଦେଇଥିବା କଥା ଘର ମାଲିକ ଜାଣିବା ପରେ ତାଙ୍କୁ ଖରାପ ବ୍ୟବହାର କରିବା ସହ ତୁରନ୍ତ ଘର ଖାଲି କରିବାକୁ କହିଥିବା ସେ ପ୍ରକାଶ କରିଛନ୍ତି। ପୋଲିସର କହିବା କଥା ହେଲା ଘର ମାଲିକ ଉକ୍ତ ମହିଳାଙ୍କୁ ୪ ହଜାର ଟଙ୍କା ବିଜୁଳି ବିଲ୍ ମାଗିବାରୁ ଉଭୟଙ୍କ ଭିତରେ ମତାନ୍ତର ହୋଇଛି। ଯାହାକୁ ପରବର୍ତ୍ତୀ ସମୟରେ ଭାଜପାରେ ଯୋଗଦେବା କଥା ଯୋଡି ଦିଆଯାଇଛି। ତେବେ ଏହି ମାମଲାରେ ପୋଲିସ୍ ଯାଞ୍ଚ ଆରମ୍ଭ କରିଛି ।
Tags:
