ଭୁବନେଶ୍ଵର: ଫୁଲବାଣୀ ଜିଲ୍ଲାରେ ଭାଇରାଲ ହେଉଛି ମିଛ ସରକାରୀ ଚାକିରୀ ବିଜ୍ଞାପନ। ସୂଚନା ଅନୁସାରେ, ଫୁଲବାଣୀରେ ନୂତନ କରି ନିର୍ମାଣ ହେଉଥିବା ମେଡ଼ିକାଲ୍ କଲେଜ୍ ଏବେ ପୂର୍ଣ୍ଣାଙ୍ଗ ରୂପ ନେଉଥିବା ବେଳେ, ଅଳ୍ପ କିଛି କାମ ଅଛି ଓ ଖୁବ୍ ଶୀଘ୍ର ଏହା ଉଦ୍ଘାଟନ ହେବ। ଏବେଠାରୁ ମେଡ଼ିକାଲ୍ କଲେଜର ବିଭିନ୍ନ ବିଭାଗରେ ପୋଷ୍ଟିଙ୍ଗ ପାଇଁ ବିଜ୍ଞାପନ ସୋସିଆଲ ମିଡ଼ିଆରେ ଘୁରି ବୁଲିଲାଣି। ଏହାକୁ ନେଇ ଏବେ କନ୍ଧମାଳ ଜିଲ୍ଲାର ଯୁବ ଗୋଷ୍ଠୀ ଚିନ୍ତାରେ। ବର୍ତ୍ତମାନ ସୁଦ୍ଧା ମେଡ଼ିକାଲ୍ କଲେଜ୍ ଅଧ୍ୟକ୍ଷ ନିଯୁକ୍ତି ହୋଇଥିବା ବେଳେ, ସେ ଏବେ ଛୁଟିରେ ଅଛନ୍ତି ବୋଲି ଜିଲ୍ଲା ସ୍ଵାସ୍ଥ୍ୟ ଅଧିକାରି ସନ୍ତୋଷ ପାଢ଼ୀ ସୂଚନା ଦେଇଛନ୍ତି।
ତେବେ ଜିଲ୍ଲା ସ୍ଵାସ୍ଥ୍ୟ ବିଭାଗ ତରଫରୁ କୌଣସି ବିଜ୍ଞାପନ କି ସୂଚନା ଦିଆଯାଇ ନ ଥିବା ସ୍ପଷ୍ଟ କରିଛନ୍ତି ସିଡିଏମଓ। ତେବେ କନ୍ଧମାଳ ଭଳି ଏକ ଶାନ୍ତ ସରଳ ଜିଲ୍ଲାରେ କିଏ ଏଭଳି ଅପ ପ୍ରଚାର କରୁଛି ଓ କଣ ତାର ଉଦ୍ଦେଶ୍ୟ, ଜିଲ୍ଲା ପୋଲିସ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବୁଦ୍ଧିଜୀବୀ ମାନେ ନିବେଦନ କରିଛନ୍ତି।
