ରେଢ଼ାଖୋଲ (କନ୍ଦର୍ପ ବେହେରା): ସମ୍ବଲପୁର ଜିଲ୍ଲା ନାକଟିଦେଉଳ ପଞ୍ଚାୟତ ସମିତି କାର୍ଯ୍ୟାଳୟ ରାଜୀବ ଭବନ ରେ ଅଷ୍ଟମ ସାଧାରଣ ସଭା ଅନୁଷ୍ଠିତ ହୋଇଯାଇଛି। ପଞ୍ଚାୟତ ସମିତି ଅଧ୍ୟକ୍ଷା ସ୍ଵରପା ରାଣୀ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଶିକ୍ଷା, କୃଷି, ଜଳସେଚନ, ପାନୀୟ ଜଳ, ସମ୍ମନ୍ବିତ ଶିଶୁ ବିକାଶ ପ୍ରାଣୀଧନ, ଯୋଗାଣ ସାମାଜିକ ସୁରକ୍ଷା ଏବଂ ନାକଟିଦେଉଳ ବ୍ଲକରେ ହେଉଥିବା ସମସ୍ତ ବିଭାଗର ବିଭିନ୍ନ ଉନ୍ନୟନ କାର୍ଯ୍ୟର ଅଗ୍ରଗତି ସଂମ୍ପର୍କରେ ଆଲୋଚନା ହୋଇଥିଲା।
ଏହି ବୈଠକକୁ ବିଡିଓ କ୍ଷମାନିଧି ଭୋଇ ପରିଚାଳନା କରିଥିଲେ। ଏହି ବୈଠକରେ ଜିଲ୍ଲାପରିଷଦ ସଭ୍ୟା ପ୍ରିୟମ୍ବଦା ସାହୁ, ଏମପି ପ୍ରତିନିଧି ପୂର୍ଣ୍ଣିଚନ୍ଦ୍ର ଗଡତ୍ୟା, ବ୍ଲକ ଉପାଧ୍ୟକ୍ଷ ଜିତେନ୍ଦ୍ର ପ୍ରାଧାନ ତହସିଲଦାର ଅମର ଜେ ଡୁଙ୍ଗଡୁଙ୍ଗ, ଏବିଡିଓ ବିଦ୍ୟାଧର ରାଉତରାୟ ସମେତ ସରପଞ୍ଚ, ସମିତି ସଭ୍ୟ /ସଭ୍ୟା ଏବଂ ସଂମ୍ପୃକ୍ତ ବିଭାଗୀୟ ଅଧିକାରୀ ମାନେ ଉପସ୍ଥିତ ରହିଥିଲେ।
ବିଶେଷ କରି ବିଦ୍ୟାଳୟ ମାନଙ୍କରେ ପାଇଖାନା ଥିବା ସତ୍ତ୍ୱେ ପାନୀୟ ଜଳ ର ବ୍ୟବସ୍ଥା ନ ଥିବାରୁ ସଭ୍ୟ ମାନେ ସମ୍ପୃକ୍ତ ବିଭାଗର ଅଧିକାରୀଙ୍କୁ ଅବ ଗତ କରାଇଥିଲେ। ବିଭିନ୍ନ କାର୍ଯ୍ୟ ସଂପୂର୍ଣ୍ଣ ହେବା ସତ୍ତ୍ୱେ ବିଲ ଭାଉଚର ଶୀଘ୍ର ନ ହେବାରୁ ସରପଞ୍ଚମାନଙ୍କ ମଧ୍ୟରେ ଉଦବେଗ ପ୍ରକାଶ ପାଇଥିଲା।
ଏହି ସଭାରେ ପିଡବ୍ଲୁଡ଼ି, ଆରଡ଼ି ବିଭାଗର ଅଧିକାରୀ ମାନେ ଯୋଗ ଦେଉ ନ ଥିବାରୁ କେତେ ଜଣ ସଭ୍ୟ ସଭାରେ ପାଟି ତୁଣ୍ଡ କରିଥିଲେ।
