ଆଇଏସ୍ ଲିଙ୍କ ସନ୍ଦେହରେ ତାମିଲନାଡୁର ୪ଟି ସ୍ଥାନରେ ସର୍ଚ୍ଚ ଅପରେସନ୍ ଜାରି କରିଛି। ଗତ ମାସରେ କୋଏମ୍ବାଟୋରରେ ଗିରଫ ହୋଇଥିବା ୬ ଜଣଙ୍କ ନିକଟରୁ ମିଳିଥିବା ସୂଚନା ଆଧାରରେ ଏନ୍ଆଇଏ ପକ୍ଷରୁ ଏହି ଚଢାଉ କରାଯାଇଥିଲା। ପ୍ରାପ୍ତ ସୂଚନା ଅନୁଯାୟୀ ରବିବାର ସକାଳୁ ଏନ୍ଆଇଏର ଚାରିଟି ଟିମ୍ ସ୍ଥାନୀୟ ପୋଲିସ୍ ସହାୟତାରେ ଚେନ୍ନାଇର ଦୁଇଟି ଏବଂ ନାଗାପଟ୍ଟିନମ୍ର ଦୁଇଟି ସ୍ଥାନରେ ଚଢାଉ କରାଯାଇଥିଲା। ଏକ ମୁସ୍ଲିମ୍ ସଙ୍ଗଠନ ଓ୍ବାହାଦତ୍ ଏ ଇସ୍ଲାମ ଉପରେ ମଧ୍ୟ ଏନ୍ଆଇଏ ପକ୍ଷରୁ ଚଢାଉ କରାଯାଇଥିଲା। ଗିରଫ ହୋଇଥିବା ୬ଜଣଙ୍କର ଶ୍ରୀଲଙ୍କା ଇଷ୍ଟର ବିସ୍ଫୋରଣ ସହ ସମ୍ପର୍କ ରହିଥିବା ସମ୍ପର୍କରେ ଏନ୍ଆଇଏ ପକ୍ଷରୁ କୁହାଯାଇଛି।
