ନୂଆପଡା: ନୂଆପଡ଼ା ଜିଲ୍ଲା ସିନାପାଲିରେ ଉଦନ୍ତୀ ମହୋତ୍ସବ ୨୦୨୫ ଆନୁଷ୍ଠାନିକ ଭାବରେ ଉଦଘାଟିତ ହୋଇଯାଇଅଛି। ଏହି ଅବସରରେ ସିନାପାଲି ଦୁର୍ଗା ମନ୍ଦିରରୁ ଏକ ବିରାଟ ମଶାଲ ଶୋଭାଯାତ୍ରା ଓ ଛତର ବାହାରି ମା ମହୁଲଗୋଛେନ ମନ୍ଦିର ଦେଇ ସହର ପରିକ୍ରମା ପରେ ମହୋତ୍ସବ ମଞ୍ଚରେ ପହଞ୍ଚିଥିଲେ। ଶୋଭାଯାତ୍ରାରେ ଘଣ୍ଟ ଶଙ୍ଖ, ଘୁମୁରା ସମେତ ଅନେକ ସାଂସ୍କୃତିକ ଅନୁଷ୍ଠାନ ର ସାଂସ୍କୃତିକ ଦଳ ସାମିଲ ହୋଇଥିଲେ। ସିନାପାଲି ସହର ଚଳ ଚଞ୍ଚଳ ହୋଇ ଉତ୍ସବ ମୁଖରିତ ହୋଇଥିଲା।
ଉଦଘାଟନ ଉତ୍ସବରେ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ ଯୋଗ ଦେଇ ପ୍ରାଚୀନ କଳା, ଗୌରବମୟ ସାହିତ୍ୟ, ମହନୀୟ ସଂସ୍କୃତିର ମହା ମିଳନ ବୋଲି ମତବ୍ୟକ୍ତ କରିଥିଲେ।
ମହୋତ୍ସବ ପାଳନ କମିଟି ସଭାପତି ବୈଷ୍ଣବ ମେହେର ସଭାରେ ସଭାପତିତ୍ବ କରିଥିବା ବେଳେ ବିଶିଷ୍ଟ ଅତିଥି ରୂପେ ଖଡିଆଳ ବନ ଖଣ୍ଡ ଅଧିକାରୀ ମହମ୍ମଦ ଅଜିଜ ଖାନ, ସମ୍ମାନିତ ଅତିଥି ଭାବରେ ଜିଲ୍ଲାପରିଷଦ ସଦସ୍ୟା ପୁଷ୍ପାଞ୍ଜଳି ଗୁଆଲ, ଜିଲ୍ଲାପରିଷଦ ସଦସ୍ୟା ଆଶା ଜୈନ, ସିନାପାଲି ସଦର ସମିତି ସଭ୍ୟ ମନିସ ପଟେଲ, ସିନାପାଲି ସଦର ସରପଞ୍ଚ ସୁନିତା ମେହେର ପ୍ରମୁଖ ମଞ୍ଚାସିନ ରହିଥିଲେ।
ଏହି କାର୍ଯ୍ୟକ୍ରମକୁ ମହୋତ୍ସବ ର ଉପଦେଷ୍ଟା ଲଳିତ ସୁନାରି ସ୍ବାଗତ କରିଥିବା ବେଳେ ନବୀନ ଚନ୍ଦ୍ର ମେହେର ଧନ୍ୟବାଦ ଦେଇଥିଲେ। ରଙ୍ଗାରଙ୍ଗ ମେଲୋଡି ଅନୁଷ୍ଠିତ।