ଉତ୍ତରପ୍ରଦେଶର ସୋନଭଦ୍ରାରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ଅଟକ ରଖିଛି ଉତ୍ତର ପ୍ରଦେଶ ପୁଲିସ୍ । ସୋନଭଦ୍ରାରେ ଘଟିଥିବା ଗୁଳିକାଣ୍ଡରେ 10 ଜଣଙ୍କ ମୃତ୍ୟୁ ଘଟିଥିବା ବେଳେ ଏହାକୁ ବିରୋଧ କରି ଧାରଣାରେ ବସିଥିଲେ । ପ୍ରିୟଙ୍କା ପୀଡିତଙ୍କ ପରିବାରକୁ ଭେଟିବାକୁ ଯାଉଥିବା ବେଳେ ପୋଲିସ୍ ପ୍ରିୟଙ୍କାଙ୍କୁ ଅଟକ ରଖିଥିଲା । ଶୁକ୍ରବାର ପ୍ରିୟଙ୍କାଙ୍କୁ ଗିରଫ କରାଯିବା ନେଇ ଟ୍ବିଟ୍ଟରରେ ଖବର ପ୍ରକାଶ ପାଇବା ପରେ ୟୁପି ପୋଲିସ୍ ପକ୍ଷରୁ ଏହା ଉପରେ ସ୍ପଷ୍ଟୀକରଣ ଦିଆଯାଇଥିଲା । ଧାରା 144 ଜାରି କରାଯାଇଥିବା ସ୍ଥାନରେ ପ୍ରିୟଙ୍କା ଧାରଣାରେ ବସିଥିବାରୁ ତାଙ୍କୁ ଅଟକ ରଖାଯାଇଥିଲା ବୋଲି ପୋଲିସ୍ ପକ୍ଷରୁ ପ୍ରକାଶ କରାଯାଇଛି । ପ୍ରିୟଙ୍କାଙ୍କ ସମେତ ଧାରଣାରେ ବସିଥିବା ଅନ୍ୟ 26 ଜଣଙ୍କୁ ପୋଲିସ ଗିରଫ କରି ଅଟକ ରଖିଛି । ଉଲ୍ଲେଖଯୋଗ୍ୟ ଯେ, ଏକ ଜମି ମାମଲାକୁ ନେଇ ଗୁଳିକାଣ୍ଡ ଘଟି 10 ଜଣଙ୍କର ପ୍ରାଣହାନି ଘଟିଥିଲା ।
Mirzapur: Congress General Secretary Priyanka Gandhi accompanied by party supporters stage a sit-in demonstration after she was stopped for Ubhbha village in Mirzapur to meet survivors of caste violence, in in Narayanpur area of Uttar Pradesh's Mirzapur, on July 19, 2019. She was later detained by the police.(Photo: IANS)