ଭୁବନେଶ୍ୱର: ଆଜି ଓଡିଶା ନିର୍ମାଣ ନିଗମ କର୍ମଚାରୀ ଓ ଶ୍ରମିକ ସଂଘ ଆନୁକୂଲ୍ୟରେ ମଞ୍ଚେଶ୍ୱର୍ ସ୍ଥିତ ଓସିସି କେନ୍ଦ୍ରୀୟ କର୍ମଶାଳା ଠାରେ ଆନ୍ତର୍ଜାତିକ ଶ୍ରମିକ ଦିବସ ପାଳନ ହୋଇଯାଇଛି। ସଙ୍ଘର ସଭାପତି ପ୍ରଭାତ ମାହାନ୍ତି ଶ୍ରମିକ ସଙ୍ଘର ପତାକା ଉତ୍ତୋଳନ କରି ଶ୍ରମିକ ଦିବସର ଇତିହାସ ଓ ଶ୍ରମିକ କର୍ମଚାରୀଙ୍କ ବଳିଦାନ ସଂପର୍କରେ ଅଭିଭାଷଣ ଦେଇଥିଲେ। ବିଶିଷ୍ଟ କର୍ମଚାରୀ ନେତା ବିଜୟ ମଲ୍ଲ ଅତିଥି ଭାବେ ଯୋଗ ଦେଇ ସମ୍ମିଳିତ ଶକ୍ତି ହିଁ ସମସ୍ତ ସମସ୍ୟାରେ ସଫଳତା ଦେବ ବୋଲି ଆହ୍ଵାନ ଦେଇଥିଲେ। ଇଂଜିନିୟର ପ, କେ ସାହୁ, ଶ୍ରୀ ବିହାରୀ, ଚିତ୍ତ ମହାନ୍ତି ପ୍ରମୁଖ ଉଦବୋଧନ ଦେଇଥିଲେ।
ଶେଷରେ ସାଧାରଣ ସମ୍ପାଦକ ସଞ୍ଜୟ ମହାନ୍ତି ଧନ୍ୟବାଦ ଦେଇଥିଲେ।
