ଜମ୍ମୁ କାଶ୍ମୀରରୁ ଧାରା 370 ଏବଂ 35-ଏ ର ଉଚ୍ଛେଦ ଭାରତୀୟ ସମ୍ବିଧାନ ପ୍ରତି ଅପମାନ ବୋଲି ଫାରୁକ୍ ଅବଦୁଲ୍ଳା ପ୍ରକାଶ କରିଛନ୍ତି। ଜମ୍ମୁ କାଶ୍ମୀରର ହଣ୍ଡଓ୍ବାରାରେ ଏକ ସଭାକୁ ଉଦ୍ବୋଧନ ଦେବା ଅବସରରେ ନିଜ ଭାଷଣରେ କହିଛନ୍ତି ଅବଦୁଲ୍ଲା। ଭାରତର ଏହି ଉତ୍ତର ପ୍ରାନ୍ତରେ ରାଜନୈତିକ ସମସ୍ୟା ଯୋଗୁଁ ହିଁ ଏହି ବ୍ୟବସ୍ଥା ଲାଗୁ ହୋଇଛି। ଜମ୍ମୁ କାଶ୍ମୀରର ରାଜନୈତିକ ସମସ୍ୟା ଦୂର ନହେବା ପର୍ଯ୍ୟନ୍ତ ଏହାକୁ ହଟାଇବା ଅସମ୍ଭବ। ଉଲ୍ଲେଖଯୋଗ୍ୟ ଯେ, ଚଳିତ ଲୋକସଭା ପୂର୍ବରୁ ବିଜେପି ଜମ୍ମୁ କାଶ୍ମୀରରୁ ଧାରା 370 ଏବଂ 35- ଏ ଉଚ୍ଛେଦର ପ୍ରତିଶ୍ରୁତି ଦେଇଥିଲା। ବାସ୍ତବରେ ବିଜେପି ଏହାକୁ କାର୍ଯ୍ୟକାରୀ କରିବାକୁ ଚାହୁଁଥାଏ ତେବେ ସାଧାରଣ ଲୋକଙ୍କୁ ସଚେତନ କରାଇବା ବିଜେପିର ଲକ୍ଷ୍ୟ ହେବା ଉଚିତ୍ ବୋଲି ଅବଦୁଲ୍ଲା କହିଛନ୍ତି।
Tags:
