ଆସାମରେ ଜାପାନିଜ୍ ଏନ୍ସେଫାଲାଇଟ୍ସର ଆତଙ୍କ ଦେଖିବାକୁ ମିଳିଛି । ବିଗତ ତିନି ଦିନ ମଧ୍ୟରେ ଆସାମରେ ଏହି ରୋଗରେ ମୃତ୍ୟୁ ସଂଖ୍ୟା ୧୦୧ରେ ପହଞ୍ଚିଛି । ଜାତୀୟ ସ୍ବାସ୍ଥ୍ୟ ମିଶନ ପକ୍ଷରୁ ପ୍ରକାଶିତ ସୂଚନା ଅନୁଯାୟୀ ଏହି ତଥ୍ୟ ପ୍ରକାଶ ପାଇଛି । ଏହି ରୋଗରେ ପୀଡିତଙ୍କ ସଂଖ୍ୟା ୪୩୯ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟ ତ୍ବରିତ ଗତିରେ ବଢି ଚାଲିଛି । ରବିବାର ମିଳିଥିବା ସୂଚନା ଅନୁଯାୟୀ ଉଦାଲଗିରି, ବକ୍ସାଳ ଗୋଲଘାଟ ଏବଂ କୋବୋଇ ଜିଲ୍ଲାରେ ଏହି ରୋଗ ଭୟଙ୍କର ଭାବରେ ବ୍ୟାପୁଛି । ବିଭିନ୍ନ ଡାକ୍ତରଖାନା ଏବଂ କ୍ୟାମ୍ପରେ ଚିକିତ୍ସା ଚାଲିଥିବା ନେଇ ଆସାମ ସରକାରଙ୍କ ପକ୍ଷରୁ ସୂଚନା ମିଳିଛି । ଉଲ୍ଲେଖଯୋଗ୍ୟ ଯେ, ଜାନୁୟାରୀ ପରଠାରୁ ଆସାମରେ ଏନସେଫାଲାଇଟ୍ସ ମୃତ୍ୟୁ ସଂଖ୍ୟା ୨୨୨ରେ ପହଞ୍ଚିଛି ।
Tags:
