କୋଲକତାରେ ଆୟୋଜିତ ‘ସହିଦ ଦିବସ’ ରାଲିରେ ବିଜେପି ଉପରେ ବର୍ଷିଛନ୍ତି ଟିଏମସ୍ ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏହି ରାଲିରେ ବିଜେପିକୁ ଟାର୍ଗେଟ୍ କରିବା ସହ ଚଳିତ ଲୋକସଭା ନିର୍ବାଚନରେ ବିଜେପି ଇତିହାସ ନୁହେଁ, ବରଂ ରହସ୍ୟ ସୃଷ୍ଟି କରିଛି ବୋଲି କହିଛନ୍ତି ମମତା । ଚଳିତ ନିର୍ବାଚନରେ ବିଜେପି ପଇସା, ପୁଲିସ ଏବଂ ଇଭିଏମ୍କୁ ବ୍ୟବହାର କରି ପଶ୍ଚିମବଙ୍ଗରେ ୧୮ଟି ଲୋକସଭା ଆସନରେ ଜିତିଛି । ଆଗାମୀ ଦିନରେ ହେବାକୁ ଥିବା ରାଜ୍ୟ ପଞ୍ଚାୟତ ନିର୍ବାଚନରେ ଇଭିଏମ ବଦଳରେ ବାଲାଟ୍ ପେପର ମାଧ୍ୟମରେ କରିବାକୁ ନିର୍ବାଚନ କମିଶନଙ୍କ ନିକଟରେ ଦାବି କରିବେ ବୋଲି କହିଛନ୍ତି ମମତା । ଗଣତନ୍ତ୍ରର ସୁରକ୍ଷା ପାଇଁ ନିର୍ବାଚନ ପ୍ରକ୍ରିୟାରେ ପରିବର୍ତ୍ତନର ଆବଶ୍ୟକ ରହିଛି ବୋଲି ମମତା କହିଛନ୍ତି।
Tags:
