ଅଣଗାନ୍ଧୀ ନେତୃତ୍ବରେ କଂଗ୍ରେସ 24 ଘଣ୍ଟା ତିଷ୍ଠି ପାରିବ ନାହିଁ ବୋଲି ମତ ଦେଇଛନ୍ତି ବରିଷ୍ଠ କଂଗ୍ରେସ ନେତା ନଟବର ସିଂ । କଂଗ୍ରେସର ସଭାପତି ପଦରୁ ରାହୁଲ ଗାନ୍ଧୀ ଇସ୍ତଫା ପ୍ରଦାନ କରିବା ପରେ ଗାନ୍ଧୀ ପରିବାରର କୌଣସି ବ୍ୟକ୍ତି କଂଗ୍ରେସର ନେତୃତ୍ବ ନେବେ ନାହିଁ ବୋଲି ସ୍ପଷ୍ଟ କରିଥିଲେ । ଏହାପରେ ରାହୁଲଙ୍କ ଇସ୍ତଫାକୁ ବିରୋଧ କରାଯାଇଥିଲେ ମଧ୍ୟ ରାହୁଲ ନିଜ ନିଷ୍ପତ୍ତିରେ ଅଟଳ ରହିଥିଲେ । ରାହୁଲଙ୍କ ପରେ ଯଦି କଂଗ୍ରେସର ନେତୃତ୍ବ କୌଣସି ଅଣଗାନ୍ଧୀଙ୍କ ହାତକୁ ଯାଏ ତେବେ 134 ବର୍ଷର ଏହି ଦଳ ବିଖଣ୍ଡିତ ହୋଇଯିବ ବୋଲି ନଟବର କହିଛନ୍ତି । ରାହୁଲଙ୍କ ପରେ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ନାମ ସମ୍ମୁଖକୁ ଆସିଥିଲା । ପ୍ରିୟଙ୍କା ବର୍ତ୍ତମାନ କଂଗ୍ରେସର ମହାସଚିବ ରହିଥିବା ବେଳେ ଉତ୍ତରପ୍ରଦେଶ ସୋନଭଦ୍ରାରେ ଚାଷୀଙ୍କ ପାଇଁ ଆନ୍ଦୋଳନ କରୁଛନ୍ତି । ପ୍ରିୟଙ୍କା ସର୍ବଦା ପଛରେ ରହିଥିଲେ ମଧ୍ୟ ଦଳର ନେତୃତ୍ବ ନେବାର ସମ୍ପୂର୍ଣ୍ଣ କ୍ଷମତା ତାଙ୍କ ନିକଟରେ ରହିଛି ବୋଲି ନଟବର କହିଛନ୍ତି ।
Tags:
