ଗୁଣିଗାରେଡି ସନ୍ଦେହରେ ଝାରଖଣ୍ଡରେ ଚାରି ଜଣଙ୍କୁ ହତ୍ୟା କରାଯାଇଛି । ଝାରଖଣ୍ଡର ଗୁମ୍ଲା ଜିଲ୍ଲାରେ ରବିବାର ଦିନ ଏହି ଅମାନୁଷିକ କାଣ୍ଡ ସଙ୍ଗଠିତ ହୋଇଛି । କଳାଯାଦୁ ଅଭ୍ୟାସ କରୁଥିବା ନେଇ ଅଭିଯୋଗ ଆସିବା ପରେ 60-65 ବର୍ଷ ବୟସ୍କ ଏହି ବୃଦ୍ଧ ଏବଂ ବୃଦ୍ଧାଙ୍କୁ ହତ୍ୟା କରାଯାଇଥିବା ଜଣାପଡିଛି । ମୃତକଙ୍କ ମଧ୍ୟରେ ଦୁଇ ଜଣ ମହିଳା ମଧ୍ୟ ରହିଛନ୍ତି । ଦକ୍ଷିଣ ପଶ୍ଚିମ ଝାରଖଣ୍ଡର ନଗର ସିସ୍କାରୀ ଗ୍ରାମରେ ଏହି ଘଟଣା ଘଟିଥିଲା । ରବିବାର ଦିନ ଦୁଇଟା ସମୟରେ କଳାଯାଦୁ ଅଭ୍ୟାସ କରୁଥିବା ଅଭିଯୋଗରେ ଚାପା ଭଗତ, ପିରି ଦେବୀ, ସୁତା ଓରାଓଁ ଏବଂ ଫଘନି ଦେବୀଙ୍କୁ ଗ୍ରାମର ମଧ୍ୟଭାଗକୁ ଆଣି ମାଡ ମରା ଯାଇଥିଲା । ଉତ୍ୟକ୍ତ ଭିଡ ପ୍ରାୟ ଏକ ଘଣ୍ଟା ଧରି ଆକ୍ରମଣ କରିବା ପରେ ଚାରି ଜଣଙ୍କ ପ୍ରାଣହାନି ଘଟିଥିଲା । ପୋଲିସ୍ ପକ୍ଷରୁ ଏହି ଘଟଣାରେ 4 ଜଣଙ୍କୁ ଅଟକ ରଖାଯାଇଛି ।
Tags:
