ପାକିସ୍ତାନ ସେନାବାହିନୀ ପକ୍ଷରୁ ରଜୌରୀ ନିୟନ୍ତ୍ରଣ ରେଖାରେ ଅସ୍ତ୍ରବିରତି ଉଲ୍ଲଂଘନ କରାଯାଇଛି । ବିଗତ ତିନି ଦିନ ଧରି ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯାଇଥିବା ନେଇ ସେନା ପକ୍ଷରୁ ସୋମବାର କୁହାଯାଇଛି । ଭାରତୀୟ ସେନାର କିଛି ପୋଷ୍ଟ ଏବଂ ନିକଟସ୍ଥ ଗ୍ରାମ ଉପରେ ମୋର୍ଟାର ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ଜରିଆରେ ଆକ୍ରମଣ କରାଯାଇଥିଲା । ନିକଟରେ ଥିବା ଗ୍ରାମ ସୁନ୍ଦର ବନୀରେ ପାକିସ୍ତାନ ପକ୍ଷରୁ ମୋର୍ଟାର ମାଡ କରାଯାଇଥିଲା । କୌଣସି ଯବାନ କିମ୍ବା ସାଧାରଣ ଜନତା ଏହି ଆକ୍ରମଣରେ ଆହତ ହୋଇନଥିବା ନେଇ ସେନା ପକ୍ଷରୁ ସୂଚନା ଦିଆଯାଇଛି । ଉଲ୍ଲେଖଯୋଗ୍ୟ ଯେ, ଜୁଲାଇ 20 ତାରିଖରେ ପାକିସ୍ତାନ ସେନା ପକ୍ଷରୁ ଅସ୍ତ୍ରବିରୂତି ଉଲ୍ଲଂଘନ କରାଯିବା ଫଳରେ ପୁଞ୍ଚରେ ଜଣେ ଯବାନ ଆହତ ହୋଇଥିଲେ ।
Tags:
