ନୂଆଦିଲ୍ଲୀ: ଆଜି ଅପରାହ୍ନରେ ଗୁଜୁରାଟର ଅହମ୍ମଦାବାଦରେ ଏୟାର ଇଣ୍ଡିଆର ଯାତ୍ରୀବାହୀ ବିମାନ ବୋଇଂ ଡ୍ରିମଲାଇନ୍ ୭୮୭ ଦୁର୍ଘଟଣାଗ୍ରସ୍ତ ହୋଇଛି। ଯେଉଁଥିରେ ୨୪୨ ଜଣ ଯାତ୍ରୀ ଥିଲେ। ଏହି ଡ୍ରିମଲାଇନର ବୋଇଂ ୭୮୭ ଲଣ୍ଡନ ଅଭିମୁଖେ ଉଡୁଥିଲା। ଅହମ୍ମଦାବାଦର ସର୍ଦ୍ଦାର ବଲ୍ଲଭଭାଇ ପଟେଲ ଅନ୍ତର୍ଜାତୀୟ ବିମାନବନ୍ଦରରୁ ଉଡ଼ାଣ ଭରିବା ସମୟରେ ନିକଟବର୍ତ୍ତୀ ଏକ କୋଠା କିମ୍ବା କାନ୍ଥରେ ଧକ୍କା ଦେବା ପରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା।
ଏହା ଭିତରେ ଏକ ବଡ ସୂଚନା ମିଳିଛି। ସୂଚନା ଅନୁଯାୟୀ, ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣି ଉକ୍ତ ବିମାନରେ ଯାତ୍ରା କରୁଥିଲେ। କହିଯାଉଛି ଯେ ବିଜୟ ରୂପାଣୀ ଏହି ବିମାନରେ ବ୍ୟବସାୟ ଶ୍ରେଣୀରେ ଯାତ୍ରା କରୁଥିଲେ। ସେ ତାଙ୍କ ପରିବାରକୁ ଭେଟିବା ପାଇଁ ଲଣ୍ଡନ ଯାଉଥିଲେ। ତାଙ୍କ ସ୍ତ୍ରୀ ଏବଂ ଝିଅ ସମେତ ତାଙ୍କର ଅନେକ ସମ୍ପର୍କୀୟ ଲଣ୍ଡନରେ ରୁହନ୍ତି, ଯେଉଁମାନଙ୍କୁ ସେ ଭେଟିବାକୁ ଯାଉଥିଲେ।
