ନୂଆଦିଲ୍ଲୀ: ଜୁଲାଇ ପ୍ରଥମ ସପ୍ତାହରେ ଏସିଆ କପ୍-୨୦୨୫ ଟୁର୍ଣ୍ଣାମେଣ୍ଟ ଉପରେ ଏକ ବଡ଼ ନିଷ୍ପତ୍ତି ନିଆଯାଇପାରେ। କୁହାଯାଇଛି ଯେ, ଏସିଆ କପ୍ ସେପ୍ଟେମ୍ବର ୧୦ ତାରିଖରୁ ଆରମ୍ଭ ହୋଇପାରେ। ଭାରତ ସହିତ UAE କୁ ଏସିଆ କପ୍ ର ସହ-ଆୟୋଜକ ଘୋଷଣା କରାଯାଇପାରେ ବୋଲି ପୂର୍ବରୁ ଖବର ଥିଲା। କାରଣ ପାକିସ୍ତାନ ଦଳ ଖେଳିବାକୁ ଭାରତ ଆସିବ ନାହିଁ। ଏବେ ନୂତନ ଅପଡେଟ୍ ଅନୁସାରେ, ଏସିଆ କପ୍ ସୂଚୀ ସମ୍ପର୍କରେ ଏହି ଅନିଶ୍ଚିତତା ବହୁତ ଶୀଘ୍ର ଶେଷ ହୋଇପାରେ।
କ୍ରିକବଜ୍ ଅନୁଯାୟୀ, ଏସୀୟ କ୍ରିକେଟ୍ ପରିଷଦ (ACC) ଜୁଲାଇ ପ୍ରଥମ ସପ୍ତାହରେ ସୂଚୀ ପ୍ରକାଶ କରିପାରେ। ପ୍ରକାଶ ଯେ, ଏସିଆ କପ୍ ଟି-୨୦ ଫର୍ମାଟରେ ଖେଳାଯିବାକୁ ଅଛି, ଯେଉଁଥିରେ ମୋଟ ୬ ଟି ଦଳ ଅଂଶଗ୍ରହଣ କରିବେ। ଜୁଲାଇରେ ACC ବୈଠକ ପରେ କାର୍ଯ୍ୟସୂଚୀକୁ ଅନୁମୋଦନ କରାଯାଇପାରେ। ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରୁଥିବା ୬ ଟି ଦଳ ଭାରତ, ପାକିସ୍ତାନ, ବାଂଲାଦେଶ, ଆଫଗାନିସ୍ତାନ, ଶ୍ରୀଲଙ୍କା ଏବଂ UAE ହେବେ।
ଗତ ମାସଗୁଡ଼ିକରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ପରେ ଏସିଆ କପରେ ଟିମ୍ ଇଣ୍ଡିଆର ଅଂଶଗ୍ରହଣକୁ ନେଇ ପରିସ୍ଥିତି ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଗତ ମାସରେ ବିସିସିଆଇ ସଚିବ ଦେବଜିତ ସାଇକିଆ ଭାରତ ଏସିଆ କପରେ ଅଂଶଗ୍ରହଣ ନକରିବା ଗୁଜବକୁ ଖାରଜ କରିଦେଇଥିଲେ। ଏବେ ଇନସାଇଡ ସ୍ପୋର୍ଟ ବିସିସିଆଇର ଏକ ସୂତ୍ରକୁ ଉଦ୍ଧୃତ କରି କହିଛି ଯେ ,ବୋର୍ଡ ବର୍ତ୍ତମାନ ଏହି ସମ୍ପର୍କରେ ଭାରତ ସରକାରଙ୍କ ପ୍ରତିକ୍ରିୟାକୁ ଅପେକ୍ଷା କରିଛି।
ମହିଳା ଏକଦିବସୀୟ ବିଶ୍ୱକପ୍ ଚଳିତ ବର୍ଷ ଅନୁଷ୍ଠିତ ହେବାକୁ ଯାଉଛି, ଯାହା ରାଉଣ୍ଡ-ରବିନ୍ ଫର୍ମାଟରେ ଖେଳାଯିବ। ତେଣୁ ପ୍ରତ୍ୟେକ ଦଳ ନିଶ୍ଚିତ ଭାବରେ ଥରେ ପରସ୍ପରର ସମ୍ମୁଖୀନ ହେବେ। ବିସିସିଆଇ କିମ୍ବା ପିସିବି ଏହି କାର୍ଯ୍ୟସୂଚୀ ଉପରେ କୌଣସି ଆପତ୍ତି ଉଠାଇ ନାହାଁନ୍ତି। ଯେପର୍ଯ୍ୟନ୍ତ ଏସିଆ କପ୍-୨୦୨୫ ସମ୍ପର୍କରେ ଉଭୟ ଦେଶର ବୋର୍ଡ ଏହି କଥା ଭଲ ଭାବରେ ଜାଣିଥିବେ ଯେ, ଯଦି ସେମାନଙ୍କ ମଧ୍ୟରୁ କେହି ଏସିଆ କପ୍ ରୁ ଓହରିଯାଆନ୍ତି, ତେବେ ଏହାର ଆଗାମୀ ଆଇସିସି ଏବଂ ଏସିସି ଇଭେଣ୍ଟ ଉପରେ ନକାରାତ୍ମକ ପ୍ରଭାବ ପଡ଼ିପାରେ।
