ପାରାଦ୍ୱୀପ ସହରରେ ଘୋର ଜଳ ସଙ୍କଟ ଦେଖାଦେଇଛି। ଆଜିଠାରୁ ଟାଉନସିପ ଅଂଚଳରେ ଦିନକୁ ମାତ୍ର ଥରେ ଜଳଯୋଗାଣ ହେବ ବୋଲି ବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି। ସାରା ରାଜ୍ୟରେ ମୌସୁମୀ ଦୁର୍ବଳ ରହିଛି। ଜୁଲାଇ ମାସରେ ଯେତିକ ପରିମାଣରେ ବର୍ଷା ହେବା କଥା ତାହାଠାରୁ କମ ପରିମାଣର ବର୍ଷା ହୋଇଛି। ଫଳରେ ରାଜ୍ୟରେ ଜଳସଙ୍କଟ ଭଳି ପରିସ୍ଥିତି ସୃଷ୍ଟି ହୋଇଛି। ନଦୀ ଓ ଅନ୍ୟାନ୍ୟ ଜଳାଶୟରେ ଯେଉଁ ପରିମାଣର ପାଣି ରହିବା କଥା ତାହା ରହିନାହିଁ। ଯାହାର ପ୍ରଭାବ ପାରାଦ୍ୱୀପ ଅଳରେ ଦେଖିବାକୁ ମିଳିଛି। ଆଜି ଡାକବାଜି ଯନ୍ତ୍ର ଯୋଗେ ଟାଉନସିପରେ ଦିନକୁ ମାତ୍ର ଥରେ ଜଳ ଯୋଗାଣ ହେବ ବୋଲି ବନ୍ଦର କର୍ତ୍ତୃପକ୍ଷ ପ୍ରଚାର କରିଛନ୍ତି । ଟାଉନସିପ ଲାଗି ଉଦିଷ୍ଟ ଜଳଭଣ୍ଡାରରେ ଜଳସ୍ତର ଯଥେଷ୍ଟ କମ ରହିଛି। ତେଣୁ ଏହି ପଦକ୍ଷେପ ନିଆଯାଇଛି ବୋଲି କର୍ତ୍ତୃପକ୍ଷ ଜଣାଇଛନ୍ତି ।
Tags:
