ମହାରାଷ୍ଟ୍ରର ଶରଦ ପାଓ୍ବାରଙ୍କ ପାର୍ଟି ଏନ୍ସିପିକୁ ଝଟ୍କା ଲାଗିଛି । ମୁମ୍ବାଇ ଏନ୍ସିପିର ଅଧ୍ୟକ୍ଷ ସଚ୍ଚିନ ଆହିର ଗୁରୁବାର ଶିବସେନାରେ ଯୋଗ ଦେଇଛନ୍ତ। ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ଉପସ୍ଥିତିରେ ମୁମ୍ବାଇଠାରେ ସେ ଦଳରେ ଯୋଗ ଦେଇଛନ୍ତି। ତେବେ ଶିବସେନାରେ ଯୋଗ ଦେବା ପୂର୍ବରୁ ସଚ୍ଚିନ ଶିବସେନା କାର୍ଯ୍ୟାଳୟ ଯାଇ ଉଦ୍ଧବ ଠାକରେ ଓ ତାଙ୍କ ପୁଅ ଆଦିତ୍ୟ ଠାକରେଙ୍କୁ ଭେଟିଥିଲେ। ସଚିନ ମୁମ୍ବାଇ ଏନ୍ସିପିରେ ସବୁଠୁ ଚର୍ଚ୍ଚିତ ଚେହେରା ଥିଲେ । ମହାରାଷ୍ଟ୍ର ବିଧାନସଭା ପୂର୍ବରୁ ଏନ୍ସିପିର ଜଣେ ଟାଣୁଆ ନେତାଙ୍କ ଶିବସେନାର ସାମିଲ୍ ହେବା ଦଳକୁ ବେଶ୍ ମହଙ୍ଗା ପଡ଼ିପାରେ ବୋଲି ଚର୍ଚ୍ଚା ହେଉଛି । ତେବେ ଖବର ମିଳିଥିବା ଅନୁସାରେ ଆଗାମୀ ସମୟରେ ଏନ୍ସିପିର ଅନ୍ୟ କିଛି ନେତା ଦଳକୁ ଅଲ୍ବିଦା କରିପାରନ୍ତି ।
Tags:
