ଚାରିଥର ଆଇପିଏଲ୍ ଚାମ୍ପିୟନ୍ ମୁମ୍ବାଇ ଇଣ୍ଡିଆନ୍ସ ଲେଗ୍ ସ୍ପିନର ମୟଙ୍କ ମର୍କଣ୍ଡେଙ୍କ ବଦଳରେ ଦିଲ୍ଲୀ କ୍ୟାପିଟାଲ୍ସର ସ୍ରିଫେନ୍ ରଦରଫୋର୍ଡଙ୍କୁ ଆଣିଛି । ଓ୍ବିଣ୍ଡିଜ୍ ଅଲ୍ରାଉଣ୍ଡର ରଦରଫୋର୍ଡ ଦଳକୁ ସଠିକ୍ ସନ୍ତୁଳନ ପ୍ରଦାନ କରିପାରିବେ ବୋଲି ମ୍ୟାନେଜମେଣ୍ଟ ପକ୍ଷରୁ କୁହାଯାଇଛି । ମର୍କଣ୍ଡେ ବିଗତ ଦୁଇ ସିଜିନ୍ ମୁମ୍ବାଇ ପକ୍ଷରୁ ଖେଳି ସର୍ବଦା ଓ୍ବିକେଟ୍ ହାସଲରେ ସଫଳ ହୋଇଛନ୍ତି ମାତ୍ର ହାର୍ଦ୍ଦିକ ପାଣ୍ଡ୍ୟାଙ୍କ ବଦଳ ଖେଳାଳି ଭାବରେ ଦଳ ଜଣେ ଅଲରାଉଣ୍ଡର ଚାହୁଁଥିବାରୁ ଦଳ ରଦରଫୋର୍ଡଙ୍କୁ ବାଛିଛି ବୋଲି ଦଳର ମାଲିକ ଆକାଶ ଅମ୍ବାନୀ ସୂଚନା ଦେଇଛନ୍ତି । ମୟଙ୍କ ଭାରତୀୟ କ୍ରିକେଟର ଜଣେ ଷ୍ଟାର ଏବଂ ସର୍ବଦା ମୁମ୍ବାଇ ଇଣ୍ଡିଆନ୍ସ ପରିବାରର ସଦସ୍ୟ ରହିଥିବେ ବୋଲି ଅମ୍ବାନୀ କହିଛନ୍ତି ।
Tags:
