ନିର୍ବାଚନୀ ବର୍ଷରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଦିଲ୍ଲୀ ଜନତାଙ୍କ ଉପରେ ଉପହାରର ବର୍ଷା କରୁଛନ୍ତି । ଦିଲ୍ଲୀବାସୀଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି ଆପ୍ ମୁଖ୍ୟ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ଦିଲ୍ଲୀରେ ୨୦୦ ୟୁନିଟ୍ ପର୍ଯ୍ୟନ୍ତ ବିଜୁଳି ଖର୍ଚ୍ଚ ପାଇଁ ବିଲ୍ ସମ୍ପୂର୍ଣ୍ଣ ଦେୟମୁକ୍ତ କରିଛନ୍ତି । ଯଦି ୨୦୦ ୟୁନିଟ୍ ଉପରେ ବିଜୁଳି ଖର୍ଚ୍ଚ ହୋଇଛି, ତେବେ ତେବେ ଏହାଠାରୁ ଅଧିକ ୟୁନିଟ୍ କ୍ଷେତ୍ରରେ ସମ୍ପୂର୍ଣ୍ଣ ବିଦ୍ୟୁତ୍ ବିଲ୍ ପୈଠ କରିବାକୁ ପଡ଼ିବ। ଏହି ଛାଡ଼ ପରେ ସବସିଡି ଉପରେ ପାଖାପାଖି ୧୮୦୦ କୋଟିର ଖର୍ଚ୍ଚ ହେବ । ପୂର୍ବରୁ ୨୦୦ ୟୁନିଟ୍ ପାଇଁ ପୂର୍ବରୁ ୬୨୨ ଟଙ୍କା ଏବେ ମାଗଣା କରାଯାଇଛି । ୨୦୧ରୁ ୪୦୦ ୟୁନିଟ୍ ଯାଏ ୫୦ ପ୍ରତିଶତ ସବସିଡିରେ ମିଳିବ ବିଜୁଳି । ୩ଶହ ୟୁନିଟ ପାଇଁ ୯୭୧ ଦେଉଥିଲେ, ଏବେ ୫୨୬ଟଙ୍କା, ୪ଶହ ୟୁନିଟ୍ ୧୩୨୦ ଟଙ୍କା ଥିବାବେଳେ ଏଥିପାଇଁ ଏବେ ୧୦୭୫ ଟଙ୍କା ଦେବାକୁ ପଡ଼ିବ। ଦିଲ୍ଲୀରେ ବିଦ୍ୟୁତ୍ ଯୋଗାଉଥିବା କମ୍ପାନୀଗୁଡ଼ିକର କ୍ଷତି ପରିମାଣ ୧୭ ପ୍ରତିଶତରୁ ୮କୁ କମିଥିବାରୁ ସରକାର ଏଭଳି ପଦକ୍ଷେପ ଗ୍ରହଣ କରିଛନ୍ତି ବୋଲି ସୂଚନା ରହିଛି ।
