ଇବୋଲା ସଂକ୍ରମଣ ରୋକିବା ନିମନ୍ତେ କଙ୍ଗୋ ସୀମାକୁ ବନ୍ଦ କରିବାର ନିଷ୍ପତ୍ତି ନେଇଛି ରୁଆଣ୍ଡା । ଗୁରୁବାର ରୁଆଣ୍ଡା ସରକାରଙ୍କ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ରୁଆଣ୍ଡା ସୀମାରେ ରହିଥିବା କଙ୍ଗୋର ଗୋମା ସହରରେ ଇବୋଲା ବ୍ୟାପିବା ଖବର ଆସିବା ପରେ ରୁଆଣ୍ଡା ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ବୁଧବାର ଜନୈକ 1 ବର୍ଷୀୟ ବାଳିକା ଇବୋଲାରେ ସଂକ୍ରମିତ ହୋଇ ପ୍ରାଣ ହରାଇବା ପରେ ପ୍ରତିଷେଧକ ବ୍ୟବସ୍ଥା ସ୍ବରୂପ ଏହି ବ୍ୟବସ୍ଥା ଗ୍ରହଣ କରାଯାଇଛି ବୋଲି ରୁଆଣ୍ଡା ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି । ଗତବର୍ଷ ଇବୋଲା ସଂକ୍ରମଣରେ କଙ୍ଗୋରେ 1346 ଜଣ ପ୍ରାଣ ହରାଇଥିଲେ ।
Tags:
