ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ପ୍ରଥମ ଆସେସ୍ ଟେଷ୍ଟରେ ଇଂଲଣ୍ଡ 90 ରନ୍ର ଅଗ୍ରଣୀ ହାସଲ କରିଛି । ଅଷ୍ଟ୍ରେଲିଆ ପ୍ରଥମ ଇନିଂସରେ 284 ରନ୍ ସଂଗ୍ରହ କରିଥିବା ବେଳେ ତୃତୀୟ ଦିବସର ଦ୍ବିତୀୟ ସେସନ୍ ସୁଦ୍ଧା ଇଂଲଣ୍ଡ ସମସ୍ତ ଓ୍ବିକେଟ୍ ହରାଇ 374 ରନ୍ ସଂଗ୍ରହ କରିଛି । ଦଳ ପକ୍ଷରୁ ଓପ୍ନର ରୋରି ବର୍ନସ ଚଳିତ ଆସେସ୍ର ଦ୍ବିତୀୟ ଶତକ ହାସଲ କରିଥିଲେ । ବର୍ନ୍ସଙ୍କ ବ୍ୟତୀତ ଅଧିନାୟକ ଜୋ ରୁଟ୍ (57) ଏବଂ ବେପ୍ ଷ୍ଟୋକ୍ସ (50) ଅର୍ଦ୍ଧଶତକ ହାସଲ କରିଥିଲେ । ଶେଷ ଭାଗରେ କ୍ରିସ୍ ଓକ୍ସ (37*) ଏବଂ ଷ୍ଟୁଆର୍ଟ ବ୍ରଡ୍(29) 9ମ ଓ୍ବିକେଟ୍ରେ 65 ରନ୍ର ଭାଗିଦାରୀ କରିଥିଲେ । ଅଷ୍ଟ୍ରେଲିଆ ପକ୍ଷରୁ ପ୍ୟାଟ୍ କମିନ୍ସ ଏବଂ ନାଥାନ ଲିୟନ୍ 3ଟି ଲେଖାଏଁ ଓ୍ବିକେଟ୍ ଅକ୍ତିଆର କରିଥିବା ବେଳେ ଜେମ୍ସ ପ୍ୟାଟ୍ଟିନ୍ସନ ଏବଂ ପିଟର ସିଡିଲ୍ 2ଟି ଲେଖାଏଁ ଓ୍ବିକେଟ ଅକ୍ତିଆର କରିଥିଲେ । ଉଲ୍ଲେଖଯୋଗ୍ୟ ଯେ, ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ସ୍ମିଥ୍ଙ୍କ ଶତକ ସହାୟତାରେ 2845 ରନ୍ ସଂଗ୍ରହ କରିଥିଲା ।
