ରେଢ଼ାଖୋଲ (କନ୍ଦର୍ପ ବେହେରା): ରେଢ଼ାଖୋଲ ବିଜୁ ଜନତା ଦଳ ପକ୍ଷରୁ ପ୍ରବାଦ ପୁରୁଷ ଭୂମିପୁତ୍ର ବିଜୁ ପଟ୍ଟନାୟକଙ୍କ ୧୦୮ ତମ ଜନ୍ମ ଜୟନ୍ତୀ ରେଢ଼ାଖୋଲ ସହର ଦେହୁରୀସାହି ସ୍ଥିତ ଦଳୀୟ କାର୍ଯ୍ୟାଳୟ ପରିସରରେ ତାଙ୍କ ଜନ୍ମ ଜୟନ୍ତୀ ପାଳନ କରାଯାଇଥିଲା। ବିଜୁ ବାବୁଙ୍କୁ ତାଙ୍କ ଜନ୍ମ ଜୟନ୍ତୀରେ ସମସ୍ତେ ମନେ ପକାଇବା ସହ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଦଳୀୟ କାର୍ଯ୍ୟଳୟ ପରିସରରେ ଜିଲ୍ଲା ଉପସଭାପତି ଅନାଦି ସାହୁ, ପୂର୍ବତନ ଏନଏସି ଉପାଧ୍ୟକ୍ଷ ସୁନୀଲ ପ୍ରଧାନ, ନଗର ସଭାପତି ସିଦ୍ଧାର୍ଥ ଶଙ୍କର ପ୍ରଧାନ, ଯୁବ ସଭାପତି ବିକାଶ ଦାସ, ଛାତ୍ର ସଭାପତି ଶିବଶମ୍ଭୁ ନନ୍ଦ, କାଉନସିଲର ସୁଧାଂଶୁ ଅମାତ, ବରିଷ୍ଠ ନେତା ଖିରୋଦ ଖିଲାରୀ, ବିରିକ ବହାଦୁର,ସୁରେନ୍ଦ୍ର ବିଶ୍ୱାଳ, ଶମ୍ଭୁପ୍ରସାଦ ପ୍ରଧାନ, ଘନ ପ୍ରଧାନ, ପ୍ରଦୀପ ଚାଉଳିଆଙ୍କ ସହ ରାଜୀବ ଲୋଚନ ପ୍ରଧାନ, ବଶିଷ୍ଠ ରାଉତ, ରାଜୁ ମୁଖି, ଜିତେନ୍ଦ୍ର ବେହେରା, ଟିନା ପ୍ରଧାନ, ଆଲୋକ ପ୍ରଧାନ, ଦତ୍ତ ବିଶ୍ୱାଳ, ନିରଂଜନ ମହାକୁଡ଼ଙ୍କ ସମେତ ଦଳର ବହୁ କର୍ମୀ ଉପସ୍ଥିତ ରହି ବିଜୁ ବାବୁଙ୍କ ପ୍ରତିମୂତ୍ତିରେ ମାଲ୍ୟାର୍ପଣ କରିଥିଲେ।
ବିଜୁ ବାବୁଙ୍କ ଦୁଃସାହାସିକ ପଦକ୍ଷେପ ଓଡିଶାକୁ ନୂଆ ପରିଚୟ ଅଦମ୍ୟ ସାହାସିକତା ଯୋଗୁଁ ରାଜ୍ୟ, ଦେଶ ତଥା ଦେଶ ବାହାରେ ପରିଚିତ କିଭଳି ରହିଥିଲେ ତାହାକୁ ନେଇ ଏହି ଅବସରରେ ସ୍ମୃତି ଚାରଣ କରିଥିଲେ। ବିଜୁ ବାବୁଙ୍କ ପ୍ରତିଟି କୀର୍ତ୍ତିମାନ ପ୍ରତିଟି ଓଡିଆ ସେହି ଭୂମିପୁତ୍ରଙ୍କ ଜନ୍ମଜୟନ୍ତୀରେ ଜଣେ ପାଇଲଟ, ରାଜନୈତିଜ୍ଞ ଓ ବ୍ୟବସାୟୀ। ପ୍ରଥମେ ପାଇଲଟ ରହିଥିବା ବିଜୁ ବାବୁଙ୍କୁ ଓଡିଶା ପ୍ରତି କିଛି କରିବାକୁ ଆଗଭର ଏବଂ ପାଇଲଟ ଚାକିରି ଛାଡି ରାଜନୀତିରେ ପାଦ ଥାପିଥିଲେ। ଏପରିକି ରାଜ୍ୟରେ ପାରାଦ୍ବୀପ ବନ୍ଦର, ହୀରାକୁଦ ଡ୍ୟାମ୍, ରାଉରକେଲା ଷ୍ଟିଲ ପ୍ଲାଣ୍ଟ ଏବଂ ଓଟିଏମ୍ ଆରମ୍ଭ ହୋଇଥିବା ବେଳେ ରାଜ୍ୟ ରାଜନୀତିରୁ ଆରମ୍ଭ କରି ଜାତୀୟ ରାଜନୀତି କ୍ଷେତ୍ରରେ ତାଙ୍କର ଅବଦାନ କିଭଳି ରହିଥିଲା ଏବଂ ଇଣ୍ଡୋନେସିଆର ସ୍ବାଧୀନତା ସଂଗ୍ରାମରେ ତାଙ୍କର ଭୂମିକାକୁ କେହି କେବେ ଭୁଲିପାରିବେ ନାହିଁ ବୋଲି ଅନେକ ମତବ୍ୟକ୍ତ କରିଥିଲେ।