ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଦେଶର ସର୍ବବୃହତ ବିମାନ କମ୍ପାନୀ ଇଣ୍ଡିଗୋ ବିମାନ ଟିକେଟ୍ ମୂଲ୍ୟ ବୃଦ୍ଧି ଘୋଷଣା କରିଛି। ଯୁଦ୍ଧ ଯୋଗୁଁ ବିମାନ ଟର୍ବାଇନ୍ ଇନ୍ଧନ (ATF) ମୂଲ୍ୟ ୮୫% ରୁ ଅଧିକ ବୃଦ୍ଧି ପାଇଛି। କମ୍ପାନୀ ଘୋଷଣା କରିଛି ଯେ, ମାର୍ଚ୍ଚ ୧୪ ତାରିଖ ୨୦୨୬ଠାରୁ ସମସ୍ତ ଘରୋଇ ଏବଂ ଅନ୍ତର୍ଜାତୀୟ ବିମାନରେ ଇନ୍ଧନ ଶୁଳ୍କ ଲାଗୁ କରାଯିବ। ଏହି ଶୁଳ୍କ ଆଜି ରାତି ୧୨:୦୧ ଟାରୁ ଲାଗୁ ହେବ ଏବଂ ସମସ୍ତ ନୂତନ ବୁକିଂ ପାଇଁ ଲାଗୁ ହେବ। ବିମାନ ଟିକେଟ୍ ମୂଲ୍ୟ ୪୨୫ ଟଙ୍କାରୁ ୨ ହଜାର ୩୦୦ ଟଙ୍କାକୁ ବୃଦ୍ଧି କରାଯାଇଛି।
ଭଡ଼ା କେତେ ବୃଦ୍ଧି ହେବ?:
ମାର୍ଚ୍ଚ ୧୪ ତାରିଖ ୨୦୨୬ଠାରୁ ଭାରତ ଭିତରେ ଉଡ଼ାଣ ପାଇଁ ୪୨୫ ଟଙ୍କା ଅଧିକ ଦେବାକୁ ପଡିବ। ଭାରତୀୟ ଉପମହାଦେଶ, ବାଂଲାଦେଶ, ନେପାଳ, ଭୁଟାନ, ଶ୍ରୀଲଙ୍କା ଏବଂ ମାଳଦ୍ୱୀପକୁ ଉଡ଼ାଣ ପାଇଁ ମଧ୍ୟ ୪୨୫ ଟଙ୍କା ଇନ୍ଧନ ଶୁଳ୍କ ଲାଗୁ ହେବ। ମଧ୍ୟପ୍ରାଚ୍ୟ ଯାତ୍ରା ପାଇଁ ଭଡ଼ା ୯୦୦ ଟଙ୍କା, ଦକ୍ଷିଣ ପୂର୍ବ ଏସିଆ, ଚୀନ୍, ଆଫ୍ରିକା ଏବଂ ପଶ୍ଚିମ ଏସିଆ ଯାତ୍ରା ପାଇଁ ୧୮୦୦ ଟଙ୍କା ଏବଂ ୟୁରୋପ ଯାତ୍ରା ପାଇଁ ୨୩୦୦ ଟଙ୍କା ବୃଦ୍ଧି କରାଯାଇଛି।