ଭୁବନେଶ୍ଵର : ଚଳିତ ଯୁକ୍ତ ଦୁଇ ପରୀକ୍ଷାରେ ଛାତ୍ରଙ୍କୁ ପଛରେ ପକାଇଲେ ଛାତ୍ରୀ । ଏଥର ପ୍ରାୟ ୩ ଲକ୍ଷ ୯୮ ହଜାର ପିଲା ପରୀକ୍ଷା ଦେଇଥିବା ବେଳେ ପାସ୍ କରିଛନ୍ତି ୩ ଲକ୍ଷ ୪୧ ହଜାର ୭୮୧ ଜଣ। ବିଜ୍ଞାନରେ ମୋଟ୍ ପାସ୍ ହାର ରହିଛି ୮୮. ୮୦ ପ୍ରତିଶତ । ସେଥିରୁ ପୁଅଙ୍କ ପାସହାର ୮୭.୪୧ ପ୍ରତିଶତ ଥିବା ବେଳେ ଝିଅଙ୍କ ପାସ ହାର ରହିଛି ୯୦.୨୪ ପ୍ରତିଶତ ରହିଛି । ଗତବର୍ଷ ପାସ୍ ହାର ୮୩. ୪୫ ପ୍ରତିଶତ ଥିବା ବେଳେ ଏଥର ୨.୪୦ ପ୍ରତିଶତ ବଢ଼ି ପହଞ୍ଚିଛି ୮୫.୮୫ ପ୍ରତିଶତରେ।
କଳାରେ ପୁଅଙ୍କ ପାସ୍ ହାର ୮୪.୫୦ ପ୍ରତିଶତ ଓ ଝିଅଙ୍କ ପାସ୍ ହାର ରହିଛି ୮୯.୪୫ ପ୍ରତିଶତ। ବାଣିଜ୍ୟରେ ମୋଟ୍ ୨୪ ହଜାର ୬୨୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ଏଠି ବି ପୁଅଙ୍କୁ ପଛରେ ପକାଇଛନ୍ତି ଝିଅ। ପୁଅଙ୍କ ପାସ ହାର ୮୬.୬୭ ପ୍ରତିଶତ, ଝିଅଙ୍କ ପାସ ହାର ରହିଛି ୯୦.୪୩ ପ୍ରତିଶତ।
ସେହିଭଳି ଧନ୍ଦାମୂଳକ ଶିକ୍ଷାରେ ପାସହାର ରହିଛି ୭୭.୮୨ ପ୍ରତିଶତ। ରିଚେକିଂ ପାଇଁ ଆସନ୍ତା ୨୭ ତାରିଖ ସୁଦ୍ଧା ପ୍ରକାଶ ପାଇବ ବିଜ୍ଞପ୍ତି। ସେହିପରି ଆସନ୍ତାକାଲିଠାରୁ ପ୍ରୋଭିଜିନାଲ ମାର୍କସିଟ ଡିଜି ଲକରରେ ଉପଲବ୍ଧ ହେବ ବୋଲି ସୂଚନା ରହିଛି ।
