ବାଣପୁର: ଗୋଦାବରୀଶ ଉଚ୍ଚ ବିଦ୍ୟାଳୟର +୨ କଳା, ବିଜ୍ଞାନ ଓ଼ ବାଣିଜ୍ୟ ପରୀକ୍ଷା ଫଳାଫଳରେ ଉତ୍ତୀର୍ଣ୍ଣତା ହାରରେ ଛାତ୍ରଛାତ୍ରୀ, ଅଧ୍ୟକ୍ଷ, ଶିକ୍ଷକ, ଶିକ୍ଷୟିତ୍ରୀ, ଅଭିଭାବକଙ୍କ ମନରେ ଖୁସିର ଲହରୀ ଖେଳିଯାଇଛି। ସୂଚନାଯୋଗ୍ୟ ଯେ, କଳାରେ ସତ୍ୟଜିତ ଦାସ ୫୬୩ ନମ୍ବର, ବିଜ୍ଞାନରେ ପିନାକୀ ମହାପାତ୍ର ୫୬୮ ନମ୍ବର ଓ଼ ବାଣିଜ୍ୟରେ ସିଦ୍ଧାନ୍ତ ଜେନା ୪୭୮ ନମ୍ବର ରଖି ବିଦ୍ୟାଳୟ ଟପର ହୋଇଛନ୍ତି।
ତେବେ କଳାରେ ୧୨୨ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବାବେଳେ ୬୪ ଜଣ ଦ୍ଵିତୀୟ ଶ୍ରେଣୀ ଓ଼ ୬୫ ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ସେହିଭଳି ବିଜ୍ଞାନରେ ୧୬୮ ଜଣ ପ୍ରଥମ ଶ୍ରେଣୀରେ, ୮୮ ଜଣ ଦ୍ଵିତୀୟ ଶ୍ରେଣୀରେ ଓ଼ ୧୯ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି। ବାଣିଜ୍ୟରେ ୬ ଜଣ ପ୍ରଥମ ଶ୍ରେଣୀ, ୭ଜଣ ଦ୍ଵିତୀୟ ଶ୍ରେଣୀ ଓ଼ ୮ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି।