ଝାରସୁଗୁଡା : ଝାରସୁଗୁଡା ମେଡିକାଲ ଚିକିତ୍ସା ଅବହେଳାରୁ 2 ଜଣଙ୍କ ମୃତ୍ୟୁ ଅଭିଯୋଗ । ଇବ ନଦୀରେ ବୁଡିଯାଇଥିବା ଦୁଇ ଯୁବକଙ୍କୁ ଚିକିତ୍ସା ଅବହେଳାର ଅଭିଯୋଗ ହୋଇଛି । ଜୀବିତ ଅବସ୍ଥାରେ ନଦୀରୁ ଉଦ୍ଧାର ପରେ ମଧ୍ୟ ଚିକିତ୍ସା ଅବହେଳାରୁ ମୃତ୍ୟୁ ହୋଇଥିବାରୁ ପ୍ରବଳ ଉତ୍ତେଜନା ଦେଖାଦେଇଛି ।
ମିଳିଥିବା ସୂଚନା ଅନୁସାରେ, ବୁଢ଼ୀପଦର ଗାଁ ନିକଟସ୍ଥ ଇବ୍ ନଦୀ ବନ୍ଧରେ ଗାଧୋଇବାକୁ ଯାଇଥିବା ସମୟରେ ଏହି ଅଘଟଣ ଘଟିଥିଲା। ହଠାତ୍ ପାଣିର ଗଭୀରତାରେ ପସିଯାଇ ଦୁଇ ଜଣ ଯୁବକ ବୁଡ଼ିଯାଇଥିଲେ। ଘଟଣା ପରେ ସ୍ଥାନୀୟ ଯୁବକମାନେ ତୁରନ୍ତ ପାଣିରୁ ଉଦ୍ଧାର କରି ଆମ୍ବୁଲାନ୍ସକୁ ସୂଚନା ଦେଇଥିଲେ। ଆମ୍ବୁଲାନ୍ସ ବିଳମ୍ବରେ ପହଞ୍ଚିବା ଓ ହସ୍ପିଟାଲରେ ସମୟୋପଯୁକ୍ତ ଚିକିତ୍ସା ମିଳିନଥିବା ଅଭିଯୋଗକୁ ନେଇ ପରିବାର ଲୋକେ ଅସନ୍ତୋଷ ପ୍ରକାଶ କରିଥିବା ବେଳେ ଚିକିତ୍ସାଳୟରେ ଉତ୍ତେଜନା ସୃଷ୍ଟି ହୋଇଥିଲା।