ଭୁବନେଶ୍ଵର: ଖରିଫ ଋତୁରେ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର କାର୍ଯ୍ୟକାରିତା ନେଇ ରାଜ୍ୟ ସମବାୟ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଏହି ଯୋଜନାରେ ଚାଷୀଙ୍କୁ ମରୁଡି, ଅନାବୃଷ୍ଟି, ବନ୍ୟା, ବାତ୍ୟା ଇତ୍ୟାଦି ପ୍ରାକୃତିକ ବିପର୍ଯ୍ୟୟ ପାଇଁ ଫସଲ ହାନୀ ହେଲେ ବ୍ୟାପକ ଆର୍ଥିକ ସୁରକ୍ଷା ମିଳିପାରିବ। ଧାନ, ମକା, ଚିନାବାଦାମ, ମାଣ୍ଡିଆ, କପା, ହରଡ, ଅଦା ଓ ହଳଦୀ ଆଦି ଫସଲର ବୀମା କରାଯାଇପାରିବ। ଏଥିନିମନ୍ତେ ନାମ ପଞ୍ଜୀକରଣ ପାଇଁ ଆଧାର ନମ୍ବର ବାଧ୍ୟତାମୂଳକ କରାଯାଇଛି।
ଚାଷୀ ନିଜର ଜମି ପଟ୍ଟା, ବ୍ୟାଙ୍କ ଆକାଉଣ୍ଟ ବିବରଣୀ ଏବଂ ଫସଲ ସମ୍ପର୍କୀତ ଦସ୍ତାବିଜ ପ୍ରସ୍ତୁତ ରଖିବା ନିମନ୍ତେ ସମବାୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି। ବୀମା ପଞ୍ଜୀକରଣର ଅନ୍ତିମ ତାରିଖ ଚଳିତ ଜୁଲାଇ ୩୧ ତାରିଖ ରଖାଯାଇଛି।