ରଣପୁର: ଆଜି ପବିତ୍ର ଗୁଣ୍ଡିଚା ଯାତ୍ରା। ଭାଇ ଭଉଣୀଙ୍କୁ ସାଙ୍ଗରେ ଧରି ଜଗତର ନାଥ ଜଗନ୍ନାଥ ରଥା ରୁଢ ହୋଇ ମାଉସୀ ଘରକୁ ଯିବେ। ସେଥିପାଇଁ ରଣପୁର ରାଜବାଟୀ ସମ୍ମୁଖରେ ୩ ଟି ରଥ ଏବେ ସୁସଜ୍ଜିତ ହୋଇ ଠିଆ ହୋଇଛି ଶ୍ରୀ ଜିଉଙ୍କ ଅପେକ୍ଷାରେ। ମଙ୍ଗଳବାର ଶ୍ରୀ ଜିଉଙ୍କର ନେତ୍ର ଉତ୍ସବ ପରେ ତିନି ରଥରେ ଧ୍ଵଜା ବନ୍ଧା ହୋଇଛି। ବୁଧବାର ବିଶ୍ରାମ ଥିବାରୁ ମନ୍ଦିରରେ ଠାକୁରଙ୍କୁ ଦର୍ଶନ ପାଇଁ ଭିଡ଼ ଲାଗିଥିଲା।
ଓଡିଶା ଦ୍ୱିତୀୟ ଶ୍ରୀକ୍ଷେତ୍ର ଭାବେ ରଣପୁର ପରିଚିତ। ପୁରୀ ଭଳି ଏଟାରେ ଚତୁର୍ଦ୍ଧାା ମୂର୍ତ୍ତି, ବଡଦେଉଳ, ବଡ ବଡ ୩ ଟି ରଥ ନିର୍ମଣ କରାଯାଏ। ପୁରୀରେ ଶ୍ରୀ ଜିଉଙ୍କୁ ଦର୍ଶନ କଲେ ଯେଉଁ ପୁଣ୍ୟ ମିଳେ ରଣପୁରରେ ଶ୍ରୀ ଜିଉଙ୍କୁ ଦର୍ଶନ଼ କେଲେ ସେହି ପୁଣ୍ୟ ମିଳେ ବୋଲି ବିଶ୍ୱାସ ଥିବାରୁ ପ୍ରତିବର୍ଷ ଏଠାରେ ଲକ୍ଷାଧିକ ଭକ୍ତ ସମାଗମ ହୋଇଥାନ୍ତି।
ରଥଯାତ୍ରା ପାଇଁ ପ୍ରଶାସନ ସବୁପ୍ରକାର ବ୍ୟବସ୍ଥା କରିଥିବା ଜଣାଯାଇଛି। ଶାନ୍ତି ଶୃଙ୍ଖଳା ପାଇଁ ବ୍ୟାପକ ପୁଲିସ ମୃତୟନ କରାଯାଇଥିବା ତହସିଲଦାର ଙ୍କ ଠାରୁ ଜଣାଯାଇଛି। ସେହିପରି ବିଦ୍ୟୁତ ବିଭାଗ, ଅଗ୍ନି ସମ ବିଭାଗ, ସ୍ୱାସ୍ଥ ବିଭାଗ ତରଫରୁ ବ୍ୟାପକ ସତର୍କତ ଅବଲମ୍ବନ କରାଯାଇଛି।
ଆଜି ସକାଳୁ ୩ ରଥ ପ୍ରତିଷ୍ଠା ହେବ। ପରେ ଶ୍ରୀ ଜିଉମାନଙ୍କ ସେବାନୀତରି ପରେ ଧାଡି ପହଣ୍ଡିରେ ରଥା ରୁଢ ହେବେ। ଗୁଣ୍ଡିଚା ଦିନ ୩ ଠାକୁର ରଥ ରୁଢା ହେବା ପରେ ରଣପୁର ରାଜା ଦିଲ୍ଲିପ ଚନ୍ଦ୍ର ସିଂ ଦେଓ ଏକ ସୁସଜିତ ବିମାନରେ ଆସି ରଥ ପ୍ରତିଷ୍ଠା କରିବେ। ଗୁଣ୍ଡିଚାରେ ଛେରାପହଁରା କରି ଯିବା ପରେ ଅପରାହ୍ନରେ ରଥ ଟଣା ହେବାର କାର୍ଯ୍ୟକ୍ରମ ରହଛି।
ଅନ୍ୟ ପକ୍ଷରେ ରଥ ଯାତ୍ରା ଭିଡରେ ବେପାର କରିବାପାଇଁ ବଡ ଦାଣ୍ଡରେ ଶହଶହ ବର୍ଷ ଧରି ଗରିବ ଉଠା ଦୋକାନୀ ମାନେ ଦୋକାନ କରି କିଛି ପଇସା ରୋଜଗାର କରିବା ସହ ନିଜ ପରିବାର ପରିପୋଷଣ କରିଥାଆନ୍ତି। ଦୀର୍ଘ ବର୍ଷ ଧରି ଗୁଣ୍ଡିଚା ଠାରୁ ଶ୍ରୀଜିଉ ନିଲାଦ୍ରି ବିଜେ ପରେ ମଧ୍ୟ ବିଭିନ୍ନ ଉଠା ଦେକାନୀମାନେ ବଡ ଦାଣ୍ଡର ୨ ପାର୍ଶ୍ଵରେ ଦୋକାନ କରିଥାଆନ୍ତି। କିନ୍ତୁ କିଛିବର୍ଷ ପ୍ରଶାସନ ଏହି ଉଠା ଦେକାନିମାନଙ୍କୁ ବସିବାକୁ ଅନୁମୋତି ଦେଇନଥିବାରୁ ଏହି ଉଠା ଦୋକାନି ମାନଙ୍କ ମଧ୍ୟରେ ଅସୁନ୍ତୋଷ ପ୍ରକାଶ ପାଇଥିଲା। କିନ୍ତୁ ଚଳିତ ବର୍ଷ ପ୍ରଶାସନ ଅନୁମତି ଦେଇଥିବାରୁ ଅଳ୍ପ ସଂଖ୍ୟକ ଷ୍ଟଲ ବଡ ଦାଣ୍ଡରେ ପଡିଛି। ରାଜବାଟି ପରିସରରେ ପ୍ରତି ବର୍ଷ ଭଳି ମୀନା ବଜାର ପଡିଛି।
ଅପର ପକ୍ଷରେ ରଥ ଯାତ୍ରାରେ ଲକ୍ଷାଧିକ ଭକ୍ତ ସମାଗମ ହେଉଥିବା ବେଳେ ଏବେ ପ୍ରଶାସନ ତରଫରୁ କିଛି କ୍ଷେତ୍ରରେ ଅବହେଲା କରିଥିବା ଅଭିଯୋଗ ହେଉଛି। ପ୍ରତିକୁପରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଜଳ ବିଶୋଧନ ପାଇଁ ବିଚିଙ୍ଗି ପକାଯାଇନାହିଁ। ଏପରିକି ଅନେକ ଗଳି କନ୍ଦିରେ ଆବର୍ଜ୍ଜନା ଗଦା ହୋଇଛି। ଏପରିକି ରଣପୁର ଅଚଂଳରେ ବାରମ୍ବାର ବିଦ୍ୟୁତ କାଟ ଜନସାଧାରଣରେ ଅସନ୍ତୋଷର କାରଣ ହୋଇଛି।
ଆଜି ସକାଳ ଶ୍ରୀଜିଉଙ୍କର ଅବକାଶ, ବଲ୍ଲଭ, ସକାଳ ଧୂପ ଓ ମଙ୍ଗଳାର୍ପଣ ପରେ ତିନି ଠାିକୁରଙ୍କୁ ରଥାରୁଡ଼ କରାଜିବ। ଦୂର୍ଗା ମଣ୍ଡପ ଉପରେ ଧାରା ବିବରଣୀ ଦେବା ପାଇଁ ବ୍ୟବସ୍ଥା ହୋଇଥିବାବେଳେ ଦୋଳ ମଣ୍ଡପ ଉପରୁ ସଙ୍ଗୀତ କଳା ବିଦ୍ୟାନିକେତନ ତରଫରୁ ଭଜନ ସମାରୋହ ଅନୁଷ୍ଠିତ ହେବ।