ସମ୍ପ୍ରତି କୌଣସି ୱେବ୍ସାଇଟ୍ ବା ଅନ୍ଲାଇନ୍ ଆକାଉଣ୍ଟ୍ ହ୍ୟାକ୍ ହେବା ସାଧାରଣ ଘଟଣା ହୋଇଗଲାଣି। ଏବେ ବ୍ଲୁଟୁଥ୍ ହ୍ୟାକ୍ ହେବା ଘଟଣା ନଜରକୁ ଆସିଛି। ସ୍ମାର୍ଟଫୋନଠୁ ଆରମ୍ଭ କରି ସ୍ମାର୍ଟ ସ୍ପିକର ଏବଂ ସ୍ମାର୍ଟୱାଚ୍ ପର୍ଯ୍ୟନ୍ତ ସବୁ ଡିଭାଇସ୍ରୁ ବ୍ଲୁଟୁଥର ସପୋର୍ଟ ମିଳିଥାଏ। ଏପରି ଅନେକ ଡିଭାଇସ୍ ରହିଛି ଯାହା ବ୍ଲୁଟୁଥ୍ ସପୋର୍ଟ ସହ କାମ କରୁଛି। କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ବ୍ଲୁଟୁଥ ଜରିଆରେ କଥାବାର୍ତ୍ତା କରିବା ଏବଂ ଡାଟା ସେୟାର କରିବା କୌଣସି ବିପଦଠୁ କମ୍ ନୁହେଁ। ବ୍ଲୁଟୁଥ୍ ଡିଭାଇସ୍ ହ୍ୟାକରଙ୍କ ଟାର୍ଗେଟରେ ରହିଛି ଏବଂ ଏହା ଜରିଆରେ ଆପଣଙ୍କ ବ୍ୟକ୍ତିଗତ ସୂଚନା ଚୋରି ହୋଇପାରେ। ନିକଟରେ ଲଣ୍ଡନରେ ହୋଇଥିବା କମ୍ପ୍ୟୁଟର ଆଣ୍ଡ କମ୍ୟୁନିକସେନ ସିକ୍ୟୁରିଟିର କନଫରେନ୍ସରେ ଏକ ରିପୋର୍ଟ ଜାରି କରାଯାଇଛି। ଏଥିରେ ଦାବି କରାଯାଇଛି ଯେ ବ୍ଲୁଟୁଥ ଡିଭାଇସ ହ୍ୟାକ୍ ହେବାର ଆଶଙ୍କା ରହିଛି।
ରିପୋର୍ଟ ମୁତାବକ ଲୋ ଏନର୍ଜି ବ୍ଲୁଟୁଥ ଡିଭାଇସ୍ ଡିଭାଇସରେ ହ୍ୟାକିଙ୍ଗର ଆଶଙ୍କା ଅଧିକ ରହିଛି। ରିପୋର୍ଟରେ କୁହାଯାଇଛି ଯେ ବ୍ଲୁଟୁଥ ଡିଭାଇସକୁ ଯେତେବେଳେ ଅନ୍ୟ ବ୍ଲୁଟୁଥ ଡିଭାଇସ୍ ସହ ପେୟାର କରାଯାଇଥାଏ ସେହି ସମୟରେ ହ୍ୟାକିଙ୍ଗର ସବୁଠୁ ଅଧିକ ବିପଦ ଆଶଙ୍କା ରହିଥାଏ। ଅଧ୍ୟୟନ ମୁତାବକ ଫିଟନେସ୍ ଟ୍ରେକର, ସ୍ମାର୍ଟ ସ୍ପିକର,ସ୍ମାର୍ଟୱାଚ୍ ହ୍ୟାକିଙ୍ଗ ପାଇଁ ଅତ୍ୟନ୍ତ ସହଜ ମାଧ୍ୟମ ଅଟେ। ଯେତେବେଳେ ଆପଣ ନିଜ ଡିଭାଇସକୁ ଅନ୍ୟ କୌଣସି ବ୍ଲୁଟୁଥ ଡିଭାଇସ୍ କିମ୍ବା ଆପ୍ ସହ କନେକ୍ଟ କରିଥାଆନ୍ତି ସେତେବେଳେ ଦୁଇଟି ମଧ୍ୟରେ ଯେଉଁ କମ୍ୟୁନିକସେନ୍ ହୋଇଥାଏ ଏହାକୁ ୟୁୟୁଆଇଡି ଅର୍ଥାତ୍ ୟୁନିଭର୍ସାଲି ୟୁନିକ୍ ଆଇଡେଣ୍ଟିଫାୟର କୁହାଯାଏ। ଏହି ଆଇଡେଣ୍ଟିଫାୟର ଆପଣଙ୍କ ଫୋନରେ ଥିବା ଆପକୁ ବ୍ଲୁଟୁଥ୍ ଡିଭାଇସକୁ କନେକ୍ଟ କରିଥାଏ,କିନ୍ତୁ ଏହି ଆଇଡେଣ୍ଟିଫାୟର ଆପଣଙ୍କ ଫୋନକୁ ହ୍ୟାକ୍ ମଧ୍ୟ କରିଥାଏ।