ମୁମ୍ବାଇ: ଜିଓ ହୋମ୍ ବ୍ରଡ଼ବ୍ୟାଣ୍ଡର ୩୦ ଏମବିପିଏସ ଏବଂ ୧୦୦ ଏମବିପିଏସ ପ୍ଲାନ ବ୍ୟବହାର କରୁଥିବା ଗ୍ରାହକମାନେ ଏବେ ଗୋଟିଏ ବର୍ଷ ପାଇଁ ମାଗଣା ଆମାଜନ ପ୍ରାଇମ ଲାଇଟ ସଦସ୍ୟତା ପାଇବେ। ଜିଓ ହୋମ୍ ବ୍ରଡ଼ବ୍ୟାଣ୍ଡର ଥ୍ରୀ-ଇନ-ୱାନ ଟିଭି + ଓଟିଟି + ୱାଇଫାଇ ପ୍ଲାନର ନୂତନ ଏବଂ ବର୍ତ୍ତମାନର ଉଭୟ ଗ୍ରାହକଙ୍କୁ କୌଣସି ଅତିରିକ୍ତ ମୂଲ୍ୟ ବିନା ଏହି ସୁବିଧା ପ୍ରଦାନ କରାଯାଉଛି। ଜିଓର ୧୦ ବର୍ଷ ପୂର୍ତ୍ତି ଉପଲକ୍ଷେ କମ୍ପାନୀ ଏହି ଅଫର ପ୍ରଦାନ କରୁଛି।
ଏହି ଗୋଟିଏ ବର୍ଷର ଆମାଜନ ପ୍ରାଇମ ଲାଇଟ ସଦସ୍ୟତା ଗ୍ରାହକମାନଙ୍କୁ ପ୍ରାଇମ ଭିଡିଓରେ ଚଳଚ୍ଚିତ୍ର ଏବଂ ଶୋ’ ଦେଖିବାର ସୁଯୋଗ ଦେବ। ଏହା ବ୍ୟତୀତ, ଗ୍ରାହକମାନେ ଆମାଜନରେ ଯୋଗ୍ୟ ଅର୍ଡର ପାଇଁ ମାଗଣା ଏବଂ ଦ୍ରୁତ ଡେଲିଭରିର ସୁବିଧା ମଧ୍ୟ ପାଇବେ।
ଏହି ଅଫର୍ ଗତକାଲିଠାରୁ ପର୍ଯ୍ୟୟକ୍ରମେ ଆରମ୍ଭ ହୋଇଛି ଏବଂ ଆଗାମୀ ଦୁଇ ସପ୍ତାହ ମଧ୍ୟରେ ଏହି ପ୍ଲାନଗୁଡ଼ିକର ସମସ୍ତ ଗ୍ରାହକଙ୍କ ନିକଟରେ ପହଞ୍ଚିବ। ମାଇଁ ଜିଓ ଆପ୍ପର ହୋମ୍ ପେଜ୍ରେ ଆମାଜନ ପ୍ରାଇମ ଲାଇଟ ଅଫରର ଏକ ବ୍ୟାନର୍ ଦେଖାଯିବ ଏବଂ ସେହି ବ୍ୟାନର ଉପରେ କେବଳ ଟ୍ୟାପ୍ କରିବା ଦ୍ୱାରା ଗୋଟିଏ ବର୍ଷର ମାଗଣା ସଦସ୍ୟତା ସକ୍ରିୟ ହୋଇଯିବ। ସକ୍ରିୟ ହେବା ଦିନଠାରୁ ଏହାର ୧୨ ମାସର ବୈଧତା ଅବଧି ଆରମ୍ଭ ହେବ।
ଅନ୍ୟପକ୍ଷରେ, ୮୮୮ ଟଙ୍କା ଏବଂ ୧,୧୯୯ ଟଙ୍କା ମୂଲ୍ୟର ପ୍ଲାନ ତଥା ୧୫୦ ଏମବିପିଏସ ବା ତା’ଠାରୁ ଅଧିକ ସ୍ପିଡ୍ ପ୍ରଦାନ କରୁଥିବା ପ୍ଲାନର ଗ୍ରାହକଙ୍କ ପାଇଁ ରହିଥିବା ୨୪ ମାସର ଆମାଜନ ପ୍ରାଇମ ଲାଇଟ ସୁବିଧା ଅପରିବର୍ତ୍ତିତ ରହିବ।