ନୂଆଦିଲ୍ଲୀ: ପୂର୍ବତନ କ୍ରିକେଟର ମହମ୍ମଦ କୈଫ ଅଭିଷେକ ଶର୍ମାଙ୍କୁ ଦିନିକିଆ ଦଳରେ ସୁଯୋଗ ଦେବାକୁ ଦାବି କରିଛନ୍ତି। ନ୍ୟୁଜିଲାଣ୍ଡ ବିପକ୍ଷରେ ଶତକ ମାରିବା ପରେ ଅଭିଷେକ ପ୍ରମାଣ କରିଛନ୍ତି ଯେ, ସେ କେବଳ ଫ୍ଲାଟ ପିଚ ନୁହେଁ, ଯେକୌଣସି ପରିସ୍ଥିତିରେ ଆକ୍ରମଣାତ୍ମକ ବ୍ୟାଟିଂ କରିପାରିବେ।
କୈଫ କହିଛନ୍ତି ଯେ, ଟି-୨୦ରେ ୭୦ ମ୍ୟାଚରେ ୪ ଶତକ ମାରିଥିବା ଅଭିଷେକ ଏବେ ଦିନିକିଆ ପାଇଁ ଫିନିସଡ ପ୍ରଡକ୍ଟ। ଟି-୨୦ରେ ୬ ଓଭର ପାୱାରପ୍ଲେରେ ସେ ଯେପରି ଆକ୍ରମଣ କରନ୍ତି, ଦିନିକିଆର ୧୦ ଓଭର ପାୱାରପ୍ଲେରେ ସେ ଭାରତକୁ ମଜବୁତ ଆରମ୍ଭ ଦେଇପାରିବେ।
ସେହିପରି କୈଫ ଯୁବ ବ୍ୟାଟର ବୈଭବ ସୂର୍ଯ୍ୟବଂଶୀଙ୍କ ମାନସିକ ଦୃଢ଼ତାକୁ ମଧ୍ୟ ପ୍ରଶଂସା କରିଛନ୍ତି। ୱେଲିଂଟନରେ ୪୫ ରନର ଆକ୍ରମଣାତ୍ମକ ପାଳି ଖେଳି ବୈଭବ ପୂର୍ବ ମ୍ୟାଚର ବିଫଳତାକୁ ଭୁଲିଯାଇ ଆତ୍ମବିଶ୍ୱାସ ଦେଖାଇଛନ୍ତି।
ଈଶାନ କିଶନ ଫେରିଲେ ସଞ୍ଜୁ ସାମସନ, ଅଭିଷେକ, ବୈଭବ ଓ ଈଶାନଙ୍କୁ ଏକାଦଶରେ ରଖିବା ଟିମ ମ୍ୟାନେଜମେଣ୍ଟ ପାଇଁ ବଡ଼ ଚ୍ୟାଲେଞ୍ଜ ହେବ ବୋଲି କୈଫ କହିଛନ୍ତି।