ମୁମ୍ବାଇ: ରଣବୀର କପୁର ଏବଂ ସାଇ ପଲ୍ଲବୀଙ୍କ ଫିଲ୍ମ ‘ରାମାୟଣ’ ଏବେ ସବୁଆଡେ ଚର୍ଚ୍ଚାରେ ରହିଛି। ଦର୍ଶକ ଏବଂ ସମୀକ୍ଷକଙ୍କ ପ୍ରଶଂସା ପାଇବା ସହ ଷ୍ଟ୍ରଙ୍ଗ୍ ୱାର୍ଡ ଅଫ୍ ମାଉଥ୍ ଯୋଗୁଁ ଫିଲ୍ମଟି ବକ୍ସ ଅଫିସରେ ଧମାଲ୍ କରୁଛି। ଦିୱାଲୀ ରବିବାରକୁ ଫିଲ୍ମର କମାଣିରେ ୧୯.୬% ହ୍ରାସ ଆସିଥିଲା, କିନ୍ତୁ ପ୍ରଥମ ସୋମବାରକୁ ଏହା ସବୁ ରେକର୍ଡ ଭାଙ୍ଗି ଦେଇଛି। ନିତେଶ ତିୱାରୀଙ୍କ ଫିଲ୍ମ ‘ରାମାୟଣ’ ପ୍ରଥମ ସୋମବାରକୁ ଭାରତରେ ୩୦୦ କୋଟି କ୍ଲବରେ ଏଣ୍ଟ୍ରି ମାରିଛି।
ଦିନ ଅନୁସାରେ କଲେକ୍ସନ୍:
ଦିନ ୧ – ୬୪.୮୫ କୋଟି
ଦିନ ୨ – ୪୮.୦୫ କୋଟି (୨୫.୯% ହ୍ରାସ)
ଦିନ ୩ – ୬୯.୮୦ କୋଟି (୪୫.୩% ବୃଦ୍ଧି)
ଦିନ ୪ ରବିବାର – ୫୬.୧୫ କୋଟି (୧୯.୬% ହ୍ରାସ)
ଦିନ ୫ ସୋମବାର – ରାତି ୧୦.୩୦ ଯାଏଁ ୧୦୭.୫୦ କୋଟି
ଏହା ପରେ ଫିଲ୍ମର ମୋଟ ଇଣ୍ଡିଆ ନେଟ୍ କଲେକ୍ସନ୍ ୩୪୬.୩୫ କୋଟିରେ ପହଞ୍ଚିଛି।
ପ୍ରଥମ ସୋମବାରରେ ସବୁଠୁ ଅଧିକ କମାଇଥିବା ଟପ୍ ୧୦ ଫିଲ୍ମ:
୧. ରାମାୟଣ – ୮୩.୭୫ କୋଟି
୨. ବାହୁବଳୀ ୨ – ୮୦ କୋଟି
୩. ପୁଷ୍ପା ୨ – ୬୬ କୋଟି
୪. ଧୁରନ୍ଧର ୨ – ୬୪ କୋଟି
୫. ଟାଇଗର ୩ – ୫୯.୨୫ କୋଟି
୬. ବର୍ଡର ୨ – ୫୯ କୋଟି
୭. ଆନିମଲ୍ – ୪୦.୦୬ କୋଟି
୮. ଗଦର ୨ – ୩୮.୭ କୋଟି
୯. ସ୍ତ୍ରୀ ୨ – ୩୮.୧ କୋଟି
୧୦. ଟାଇଗର ଜିନ୍ଦା ହୈ – ୩୬.୫୪ କୋଟି
‘ରାମାୟଣ’ର ଏଣ୍ଟ୍ରି ପରେ ହାଉସ୍ଫୁଲ୍ ୪ ଟପ୍ ୧୦ ରୁ ବାହାରି ଯାଇଛି। ସେ ଦଶମ ସ୍ଥାନରେ ଥିଲା ଏବଂ ୩୪.୫୬ କୋଟି କମାଇଥିଲା।
ୱାର୍ଲ୍ଡୱାଇଡ୍ କଲେକ୍ସନ୍:
ପ୍ରଥମ ୪ ଦିନରେ ଫିଲ୍ମଟି ବିଶ୍ୱବ୍ୟାପୀ ୫୦୭.୨୦ କୋଟି କମାଇଥିଲା। ପଞ୍ଚମ ଦିନ ପରେ ମୋଟ ୱାର୍ଲ୍ଡୱାଇଡ୍ କଲେକ୍ସନ୍ ୬୩୮.୯୦ କୋଟିରେ ପହଞ୍ଚିଛି।