ନୂଆଦିଲ୍ଲୀ: ସରକାରୀ ଚାକିରି ଆଶାୟୀଙ୍କ ପାଇଁ ଖୁସି ଖବର। ରେଲୱେରେ ବିନା ଲିଖିତ ପରୀକ୍ଷାରେ ୪୬୫୧ ପଦବୀରେ ନିଯୁକ୍ତି ହେବ।
ରେଲୱେ ରିକ୍ରୁଟମେଣ୍ଟ ସେଲ୍, ନର୍ଦ୍ଦନ ରେଲୱେ ପକ୍ଷରୁ ଆପ୍ରେଣ୍ଟିସ୍ ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏହା ଆପ୍ରେଣ୍ଟିସ୍ ଆକ୍ଟ ୧୯୬୧ ଅନୁସାରେ ହେବ। ଆବେଦନ ୧୧ ନଭେମ୍ବର ୨୦୨୬ ରୁ ଆରମ୍ଭ ହୋଇ ୧୧ ଡିସେମ୍ବର ୨୦୨୬ ଯାଏଁ ଚାଲିବ। ଆବେଦନ ନର୍ଦ୍ଦନ ରେଲୱେର ଅଫିସିଆଲ୍ ୱେବସାଇଟ୍ ରେ ଅନଲାଇନ୍ ରେ କରିବାକୁ ହେବ।
କେଉଁଠି କେତେ ପଦ:
ଲକ୍ଷ୍ନୌ କ୍ଲଷ୍ଟର – ୧୫୨୫, ଦିଲ୍ଲୀ କ୍ଲଷ୍ଟର – ୧୩୧୨, ଅମ୍ବାଲା କ୍ଲଷ୍ଟର – ୯୭୯, ଫିରୋଜପୁର କ୍ଲଷ୍ଟର – ୭୪୦, ମୁରାଦାବାଦ କ୍ଲଷ୍ଟର – ୬୩, ଜମ୍ମୁ କ୍ଲଷ୍ଟର – ୩୨। ମୋଟ୍ ୪୬୫୧ ପଦ।
କିଏ ଆବେଦନ କରିପାରିବେ:
ମାନ୍ୟତାପ୍ରାପ୍ତ ବୋର୍ଡରୁ ୧୦ମ ପାସ୍, ସର୍ବନିମ୍ନ ୫୦% ନମ୍ବର ସହ ସମ୍ବନ୍ଧିତ ଟ୍ରେଡ୍ ରେ ITI ସାର୍ଟିଫିକେଟ୍ ଥିବା ଆବଶ୍ୟକ। ITI, NCVT କିମ୍ବା SCVT ମାନ୍ୟତାପ୍ରାପ୍ତ ହୋଇଥିବା ଦରକାର। ବୟସ ସୀମା ୧୫ ରୁ ୨୪ ବର୍ଷ। SC/ST ଙ୍କୁ ୫ ବର୍ଷ ଓ OBC ଙ୍କୁ ୩ ବର୍ଷ ଛାଡ଼ ମିଳିବ।
ଚୟନ କେମିତି ହେବ:
ଏଥିରେ କୌଣସି ଲିଖିତ ପରୀକ୍ଷା କି ଇଣ୍ଟରଭ୍ୟୁ ହେବ ନାହିଁ। ୧୦ମ ଓ ITI ର ନମ୍ବରର ହାରାହାରି ଆଧାରରେ ମେରିଟ୍ ଲିଷ୍ଟ୍ ବାହାରିବ। ତା’ପରେ ଡକ୍ୟୁମେଣ୍ଟ ଭେରିଫିକେସନ୍ ଓ ମେଡିକାଲ୍ ଟେଷ୍ଟ ହେବ।
ଫିସ୍:
ସାଧାରଣ ଓ OBC ଙ୍କ ପାଇଁ ୧୦୦ ଟଙ୍କା। SC, ST, ଦିବ୍ୟାଙ୍ଗ ଓ ମହିଳାଙ୍କ ପାଇଁ ମାଗଣା।
ମନେ ରଖନ୍ତୁ: ଏହା ସ୍ଥାୟୀ ସରକାରୀ ଚାକିରି ନୁହେଁ, ଏହା ଆପ୍ରେଣ୍ଟିସ୍ ଟ୍ରେନିଂ। ଟ୍ରେନିଂ ପରେ ପକ୍କା ଚାକିରିର ଗ୍ୟାରେଣ୍ଟି ନାହିଁ। ଆବେଦନ ପୂର୍ବରୁ ଅଫିସିଆଲ୍ ନୋଟିଫିକେସନ୍ ଭଲ ଭାବେ ପଢ଼ନ୍ତୁ।