ସମୀକ୍ଷା ବ୍ୟୁରୋ
ମିସ୍ ୟୁନିଭର୍ସ ସୁସ୍ମିତା ସେନ୍ଙ୍କ ଆଜି ହେଉଛି ୪୪ତମ ଜନ୍ମଦିବସ । ୧୯୭୫ ମସିହାର ଆଜିର ଦିନରେ ହାଇଦ୍ରାବାଦଠାରେ ଜନ୍ମଗ୍ରହଣ କରିଥିଲେ ସୁସ୍ମିତା । ୪୪ ବର୍ଷରେ ପାଦ ଦେଇଥିଲେ ବି ଆଜି ଯାଏଁ କୁଆଁରୀ ରହିଛନ୍ତି । ବିବାହ କରିନଥିଲେବେଳେ ଦୁଇଟି କନ୍ୟା ସନ୍ତାନର ମା’ ହେଉଛନ୍ତି ସୁସ୍ମିତା। ବଲିଉଡ୍ର ସିଙ୍ଗଲ୍ ମଦର୍ ଭାବରେ ସୁସ୍ମିତା ବେଶ୍ ପରିଚିତା । ନିଜ ହିସାବରେ ନିଜ ଜୀବନକୁ ଜୀଇଁବାରେ ବିଶ୍ବାସ କରନ୍ତି ସୁସ୍ମିତା । ୧୯୯୪ ମସିହାରେ ଭାରତର ପ୍ରଥମ ସୁନ୍ଦରୀ ଭାବେ ବ୍ରହ୍ମାଣ୍ଡ ସୁନ୍ଦରୀର ମୁକୁଟ ଜିିତିଥିଲେ । ମାତ୍ର ୧୮ ବର୍ଷ ବୟସରେ ସୁସ୍ମିତା ଏହି ଟାଇଟଲର ବିଜୟିନୀ ହୋଇଥିଲେ । ଏହାପରେ ସେ ବଲିଉଡ୍ର ଏଣ୍ଟ୍ରି କରିଥିଲେ ।କିନ୍ତୁ ଦୀର୍ଘ ସମୟ ଧରି ଏହି ଅଭିନେତ୍ରୀ ଜଣକ ରୂପେଲି ପରଦାରୁ ଦୂରରେ ରହିଛନ୍ତି । ରୂପେଲି ପରଦାଠୁ ଦୂରରେ ରହିଲେ ମଧ୍ୟ ସେ ତାଙ୍କ ଲାଇଫ୍ଷ୍ଟାଇଲ୍ ଓ ପ୍ରେମ ସମ୍ପର୍କକୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି । ଆଜି ବି ତାଙ୍କୁ ବିଭିନ୍ନ ରାମ୍ପ୍ ଶୋ’ରେ ଦେଖିବାକୁ ମିଳୁଛି ।
୧୯୯୬ରେ ‘ଦସ୍ତକ୍’ ଜରିଆରେ ବଲିଉଡ୍ ଏଣ୍ଟ୍ରି କରିଥିଲେ ସୁସ୍ମିତା । ପରେ ପରେ ସେ ‘ସିର୍ଫ ତୁମ୍’, ‘ବିବି ନଂ ଓ୍ବାନ୍’, ଆଖେଁ, ମୈଁ ହୁଁ ନା’, ‘ମୈନେ ପ୍ୟାର୍ କ୍ୟୁ କିୟା’ ଆଦି ଫିଲ୍ମରେ ଅଭିନୟ କରି ବେଶ୍ ଲୋକପ୍ରିୟତା ପାଇଥିଲେ ।
କିନ୍ତୁ ସମ୍ପର୍କକୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି ଏହି ଅଭିନେତ୍ରୀ ଜଣକ । ନିଜଠାରୁ ୧୫ ବର୍ଷ ସାନ ମଡେଲ୍ ରୋହମନ୍ ଶୋଲେଙ୍କ ସମ୍ପର୍କକୁ ନେଇ ବେଶ୍ ଚର୍ଚ୍ଚିତ । ସୁସ୍ମିତା ସମ୍ପର୍କକୁ ନେଇ ଏବେ ବେଶ୍ ଚର୍ଚ୍ଚାରେ । କେବଳ ଗୋଟିଏ ଦୁଇଟି ନୁହେଁ ତାଙ୍କ ଜୀବନରେ ଅନେକ ଆସିଛନ୍ତି । ପ୍ରେମ ବ୍ୟାପାରରେ ସୁସ୍ମିତା ବଲିଉଡ୍ରେ ସବୁବେଳେ ଚର୍ଚ୍ଚାରେ । ବଲିଉଡ୍ର ଲୋକପ୍ରିୟ ନିର୍ମାତା ନିର୍ଦ୍ଦେଶକ ବିକ୍ରମ ଭଟ୍ଟ ଓ ଅଭିନେତା ରଣଦୀପ ହୁଡ୍ଡାଙ୍କ ସହ ତାଙ୍କ ପ୍ରେମ ସମ୍ପର୍କ ବେଶ୍ ଚର୍ଚ୍ଚାରେ ରହିଥିଲା । ବିକ୍ରମ ଭଟ୍ଟଙ୍କ ସମ୍ପର୍କ ରହିଥିବାବେଳେ ସେତେବେଳେ ବିକ୍ରମ ୨୭ ବର୍ଷର ଥିବାବେଳେ ସୁସ୍ମିତା ୨୦ ବର୍ଷରେ ଥିଲେ । ସେହିପରି ଲୋକପ୍ରିୟ ଅଭିନେତା ରଣଦୀପ୍ ହୁଡ୍ଡାଙ୍କ ସହ ସମ୍ପର୍କକୁ ନେଇ ଚର୍ଚ୍ଚା ଉଠିଥିଲା । ସେହି ସମୟରେ ତାଙ୍କୁ ରଣଦୀପ୍ଙ୍କ ସହ ବହୁ ଜାଗାରେ ସ୍ପଟ କରାଯାଇଥିଲା । କିନ୍ତୁ ଏହି ସମ୍ପର୍କ ବେଶୀ ଦିନ ତିଷ୍ଠି ପାରିନଥିଲା ।
ପରେ ପରେ ରିତିକ୍ ଭାସିନ୍, ବଣ୍ଟି ସଜଦେହ, ସଞ୍ଜୟ ନାରଙ୍ଗ, ଶବୀର ଭାଟ୍ଟିଆ, ଇମ୍ତିଆଜ୍ କ୍ଷତ୍ରୀ, ମୁଦସସର ଅଜିତ୍, ଓ୍ବାସିମ୍ ଆକ୍ରାମ୍, ମାନବ ମେନନ ଙ୍କ ସହ ତାଙ୍କର ସମ୍ପର୍କ ରହିଥିଲା ବୋଲି ଚର୍ଚ୍ଚା ରହିଥିଲା । ସୁସ୍ମିତା ତାଙ୍କ କ୍ୟାରିଅରର ଆରମ୍ଭରେ ପ୍ରଥମ ଝିଅ ରେନିଙ୍କୁ ପୋଷ୍ୟା କନ୍ୟା ଭାବେ ଗ୍ରହଣ କରିଥିଲେ । ପରେ ପରେ ଆଉ ଜଣେ ଝିଅ ଅଲିଶାକୁ ବି ପୋଷ୍ୟା କନ୍ୟା ଭାବେ ଗ୍ରହଣ କରିଛନ୍ତି ।
