ସମୀକ୍ଷା ବ୍ୟୁରୋ
ଭୁବନେଶ୍ୱର, ନଭେମ୍ବର 21: ୧୨୦ତମ ରାଜ୍ୟସ୍ତରୀୟ ମହତାବ ଜୟନ୍ତୀ କମିଟି ପକ୍ଷରୁ ଆଜି କେଦାରଗୌରୀସ୍ଥିତ ଗୁଆଝର ପ୍ରାଙ୍ଗଣରେ ପାଇକ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।ଏହି ପ୍ରତିଯୋଗିତା ଉତ୍ସବକୁ ପୂର୍ବତନ ମନ୍ତ୍ରୀ ତଥା ପୂର୍ବତନ ପିସିସି ସଭାପତି ଶ୍ରୀଯୁକ୍ତ ପ୍ରସାଦ ହରିଚନ୍ଦନ ଉଦଘାଟନ କରି କରିଥିଲେ।
ଡ଼ ହରେକୃଷ୍ଣ ମହତାବ ରାଜ୍ୟସ୍ତରୀୟ ଜୟନ୍ତୀ କମିଟିର ସାଧାରଣ ସମ୍ପାଦକ ବିଧାୟକ ସୁରେଶ କୁମାର ରାଉତରାୟ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ଯୁଧିଷ୍ଠିର ଜେନା,ଦୁଃଶାସନ ସ୍ୱାଇଁ,କେଦାରନାଥ ମହାପାତ୍ର,ସନତ ମିଶ୍ର ପ୍ରମୁଖ ଯୋଗଦେଇଥିବା ବେଳେ ପ୍ରତିଯୋଗିତା ବିଚାରକ ଭାବେ ଇଂ ସଚିଦାନନ୍ଦ ସୁନ୍ଦରାୟ,ଶରତ ଚନ୍ଦ୍ର ପାଇକରାୟ,ନୀଳମଣି ମିଶ୍ର,ଦାମୋଦର ହରିଚନ୍ଦନ ଯୋଗଦେଇଥିଲେ। ଏହି ପ୍ରତିଯୋଗିତାରେ ୫୧ଟି ପାଇକ ଦଳ ଭାଗ ନେଇଥିଲେ। ଶନିବାର ଦିନ ଡ଼ ହରେକୃଷ୍ଣ ମହତାବ ରାଜ୍ୟସ୍ତରୀୟ ଉତ୍ସବରେ କୃତି ପାଇକ ଦଳକୁ ପୁରସ୍କୃତ କରାଯିବ।