ନୂଆଦିଲ୍ଲୀ, 17/12: ସାରା ଦେଶରେ ନାଗରିକତ୍ବ ସଂଶୋଧନ ବିଲ୍କୁ ନେଇ ବିରୋଧ ପ୍ରଦର୍ଶନ ଜାରି ରହିଛି । ପ୍ରଥମେ ଭାରତର ପୂର୍ବୋତ୍ତର ରାଜ୍ୟଗୁଡ଼ିକରେ ଏହି ବିଲ୍କୁ ହିଂସା ଆରମ୍ଭ ହୋଇଥିଲା । ଏବେ ଏହି ନିଆଁ ଦିଲ୍ଲୀ ସମେତ ୟୁପିରେ ମଧ୍ୟ ଲାଗିଛି । ନାଗରିକତା ଆଇନକୁ ବିରୋଧ କରି ବିରୋଧୀ ଦଳଗୁଡ଼ିକ କେନ୍ଦ୍ର ସରକାରଙ୍କୁ ଆକ୍ରମଣ କରୁଛନ୍ତି । ନାଗରିକତା ଆଇନ ବିରୋଧରେ ସମସ୍ତ ବିରୋଧୀ ଆଜି ରାଷ୍ଟ୍ରପତିଙ୍କୁ ସାକ୍ଷାତ କରିବାକୁ ଏକାଠି ହୋଇଛନ୍ତି । ବିରୋଧୀ ନେତାଙ୍କ ମଧ୍ୟରେ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି, କଂଗ୍ରେସର ବରିଷ୍ଠ ନେତା ଅହମ୍ମଦ ପଟେଲ୍, ଏକେ ଆଣ୍ଟୋନି, ପି. ଚିଦାମ୍ବରମ୍, ଟିଆର୍ ବାଲୁ, ସପା ନେତା ରାମଗୋପାଳ ଯାଦବ ପ୍ରମୁଖ ରାଷ୍ଟ୍ରପତି ଭବନରେ ପହଞ୍ଚିଛନ୍ତି । ରାଷ୍ଟ୍ରପତିଙ୍କ ସାକ୍ଷାତ କରି ଏହି ନୂତନ ଆଇନକୁ ନେଇ ଚର୍ଚ୍ଚା କରିବେ । (ଏଜେନ୍ସି)
