ନୂଆଦିଲ୍ଲୀ : ନିର୍ବାଚନ କମିଶନଙ୍କ ପକ୍ଷରୁ ଦିଲ୍ଲୀ ନିର୍ବାଚନ ତାରିଖ ଘୋଷଣା କରାଯାଇଛି । ଆସନ୍ତା ଫେବୃୟାରୀ 8 ତାରିଖରେ ନିର୍ବାଚନ ହେବାକୁ ଯାଉଥିବା ବେଳେ ଚଳିତ ନିର୍ବାଚନ କାମ ଆଧାରରେ ହେବାକୁ ଯାଉଛି ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ପ୍ରକାଶ କରିଛନ୍ତି । ବିଗତ ପାଞ୍ଚ ବର୍ଷ ମଧ୍ୟରେ ସରକାର କରିଥିବା କାମ ଆଧାରରେ ନିର୍ବାଚନ ଲଢାଯିବ ବୋଲି ସୋମବାର କେଜ୍ରିଓ୍ବାଲ କହିଛନ୍ତି । ଦିଲ୍ଲୀ ସରକାରଙ୍କ ମାଗଣା ବିଦ୍ୟୁତ, ଜଳ ଏବଂ ଶିକ୍ଷା ପ୍ରଦାନ କରାଯାଇଛି । ଏହା ବ୍ୟତିତ ମାଗଣା ଓ୍ବାଇଫାଇ, ମହିଳା ମାନଙ୍କୁ ମାଗଣା ବସ୍ ଏବଂ ମେଟ୍ରୋ ଯାତ୍ରା ଏବଂ ମୋହଲ୍ଲା କ୍ଲିନିକ୍ ପରି ସେବାର ଶୁଭାରମ୍ଭ କରାଯାଇଛି । ଏହି ସମସ୍ତ କାମ ଆଧାରରେ ଆପ୍ ପୁନର୍ବାର ସରକାର ଗଠନ କରିବ ବୋଲି କେଜ୍ରିଓ୍ବାଲ କହିଛନ୍ତି । (ଏଜେନ୍ସୀ)
