ପଶ୍ଚିମବଙ୍ଗ: ଦିଲ୍ଲୀଠାରେ ଜାନୁଆରୀ 13 ତାରିଖରେ ହେବାକୁ ଥିବା ବିରୋଧୀ ଦଳ ବୈଠକରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସାମିଲ୍ ହେବେ ନାହିଁ। ମମତା ଏହି ବୈଠକକୁ ବହିଷ୍କାର କରିବା ପାଇଁ ନିଷ୍ପତ୍ତି ନେଇଛନ୍ତି। ପଶ୍ଚିମବଙ୍ଗ ବିଧାନସଭାରେ ମମତା କହିଛନ୍ତି ଯେ, ରାଜ୍ୟରେ କଂଗ୍ରେସ ଓ ସିପିଏମ୍ ଡାର୍ଟି ପଲିଟିକ୍ସ କରୁଛନ୍ତି। ଏହି କାରଣରୁ ସେ ନାଗରିକତା ସଂଶୋଧନ ଆଇନ (ସିଏଏ) ଓ ରାଷ୍ଟ୍ରୀୟ ନାଗରିକତା ରେଜିଷ୍ଟାର (ଏନ୍ଆରସି) ବିରୋଧରେ ଏକା ଲଢିବାକୁ ନିଷ୍ପତ୍ତି ନେଇଛନ୍ତି। ବୁଧବାର ଦେଶବ୍ୟାପୀ ହୋଇଥିବା ଭାରତ ବନ୍ଦକୁ ନେଇ ମମତା ବାମପନ୍ଥୀ ଦଳକୁ ନିଶାନା କରି କହିଛନ୍ତି ଯେ, ଏହି ଦଳ ପ୍ରଦର୍ଶନ କରି କେବଳ ଲୋକପ୍ରିୟତା ପାଇବାକୁ ଚାହୁଁଛି। କେବଳ ହିଂସ କରି ନିଜର ଉପସ୍ଥିତ ଜତାଇବାକୁ ବାମପନ୍ଥୀ ଚାହୁଁଛି। କାରଣ ସମସ୍ତେ ଦିଲ୍ଲୀରେଏହା କରିପାରିବେ ନାହିଁ। ସେଥିପାଇଁ ପଶ୍ଚିମବଙ୍ଗରେ ଆସି କରୁଛନ୍ତି। ତାଙ୍କ ଦଳର ମୁଖ୍ୟାଳୟ ଏଠାରେ ଅଛି । ଯଦି କିଛି ହିଂସା ହୁଏ, ତେବେ ପୁଲିସ୍ କାର୍ଯ୍ୟାନୁଷ୍ଠାନ ନେବ।
ସୂଚନାଯୋଗ୍ୟ, ଗତକାଲି ବାମପନ୍ଥୀ ଦଳ ତରଫରୁ ସିଏଏ ଓ ଏନ୍ଆରସିକୁ ନେଇ ଦେଶବ୍ୟାପୀ ବନ୍ଦ ପାଳ କରାଯାଇଥିଲା। କିନ୍ତୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ତାଙ୍କ ସରକାର ଏହାର ବିରୋଧ କରିଥିଲେ। ବନ୍ଦ ଯୋଗୁଁ ପଶ୍ଚିମବଙ୍ଗର କିଛି ସ୍ଥାନରେ ଟିଏମ୍ସି ଓ ବାମପନ୍ଥୀଙ୍କ କାର୍ଯ୍ୟକର୍ତ୍ତାଙ୍କ ଭିତରେ ଟଣାଓଟରା ହୋଇଛି। ବାମପନ୍ଥୀଙ୍କ ଏହି ମନୋଭାବ ପାଇଁ ଦିଦି ନାରାଜ ରହିଛନ୍ତି। ଏଥିପାଇଁ ବିରୋଧ ଦଳରେ ଭାଗ ନ ନେବା ପାଇଁ ନିଷ୍ପତ୍ତି ନେଇଛନ୍ତି। (ଏଜେନ୍ସି)