ସମୀକ୍ଷା ବ୍ୟୁରୋ
ସୁନ୍ଦରଗଡ଼ : ସୁନ୍ଦରଗଡ ରାଜଗାଙ୍ଗପୁର ରମାବାହାଲ ଛକ ବିଜୁ ଏକ୍ସପ୍ରେସ୍ ୱେ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ କାର୍ ଡିଭାଇଡ଼ରକୁ ଟପି ସ୍କର୍ପିଓ ସହ ମହାଁମୁହିଁ ଧକ୍କା ହେବା ପରେ କାମ କରୁଥିବା ଶ୍ରମିକଙ୍କ ଉପରେ ମାଡ଼ିଯାଇଛି। ଦୁର୍ଘଟଣା ଘଟି ୫ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୭ଜଣ ଗୁରୁତର ଥିବା ଜଣାପଡ଼ିଛି। ରାସ୍ତାର ଏକ ପାଶ୍ୱର୍ରୁ କାର ଆସୁଥିବା ବେଳେ ବିପରୀତ ଦିଗରେ ସ୍କର୍ପିଓ ଆସୁଥିଲା। ତେବେ କାର୍ଟି ଡିଭାଇଡରକୁ ଟପି ଭାରସାମ୍ୟ ହରାଇ ସ୍କର୍ପିଓକୁ ମୁହାଁମୁହିଁ ଧକ୍କା ଦେଇ ନିକଟରେ କାମ କରୁଥିବା ଶ୍ରମିକଙ୍କ ଉପରେ ଚଢିଯାଇଥିଲା। ଫଳରେ କାର ଚଢି ଘଟଣାସ୍ଥଳରେ ୫ଜଣ ମହିଳା ଶ୍ରମିକଙ୍କ ମୃତ୍ୟୁ ଘଟିଛି। ରାସ୍ତା କାମ କରୁଥିବା ଅନ୍ୟ ଜଣେ ମହିଳା ଶମ୍ରିକ ଗୁରୁତର ଥିବା ଜଣାପଡ଼ିଛି। ଏହା ସହ କାରରେ ଥିବା ୩ଜଣ ଓ ସ୍କର୍ପିଓରେ ଥିବା ୩ଜଣ ମଧ୍ୟ ଗୁରୁତର ହୋଇପଡ଼ିଛନ୍ତି। ସମସ୍ତ ଗୁରୁତରଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣାଗ୍ରସ୍ତ କାର୍ଟି ରାଉରକେଲାରୁ ସୁନ୍ଦରଗଡ ଆସୁଥିବା ବେଳେ ସ୍କର୍ପିଓଟି ସୁନ୍ଦରଗଡରୁ ରାଉରକେଲା ଆସୁଥିଲା ବୋଲି ଜଣାପଡ଼ିଛି।
