କୋହ୍ଲାପୁର/ମହାରାଷ୍ଟ୍ର : ମହାରାଷ୍ଟ୍ରରେ ମହା ଅଘାଡି ବିକାଶ ମେଣ୍ଟରେ ଫାଟ ଦେଖାଦେଇଛି । ଭୀମା-କୋରେଗାଓଁ ମାମଲାର ତଦନ୍ତଭାର ଏନ୍ଆଇଏ ହାତକୁ ଯିବା ନେଇ ଏନ୍ସିପି ନେତା ଶରଦ ପଓ୍ବାର ମହାରାଷ୍ଟ୍ର ସରକାରଙ୍କୁ ସମାଲୋଚନା କରିଛନ୍ତି । ତଦନ୍ତଭାର ଏନ୍ଆଇଏ ହାତକୁ ଯିବା ସମ୍ପୂର୍ଣ୍ଣ ଅଣସାମ୍ବିଧାନିକ ବୋଲି ପଓ୍ବାର ମତ ଦେଇଥିଲେ । ଏହି ମାମଲାର ତଦନ୍ତଭାର ରାଜ୍ୟ ସରକାରଙ୍କ ଅଧୀନରେ ରହିବା ଉଚିତ୍ ମାତ୍ର ଜାତୀୟ ତଦନ୍ତକାରୀ ସଂସ୍ଥାନକୁ ମାମଲାର ତଦନ୍ତ ଯିବା ଦୁର୍ଭାଗ୍ୟଜନକ ବୋଲି ପଓ୍ବାର କହିଛନ୍ତି । କୋହ୍ଲାପୁରରେ ଏକ ସଭାରେ ପଓ୍ବାର ଏହି ମତ ଦେଇଥିଲେ । ଭୀମା-କୋରେଗାଓଁ ହିଂସାରେ ମହାରାଷ୍ଟ୍ର ପୋଲିସ୍ର ଭୂମିକା ସନ୍ଦେହଜନକ ବୋଲି ପଓ୍ବାର ମତ ଦେଇଥିଲେ । (ଏଜେନ୍ସି)
