![saurabh chaudhury won gold in issf world cup](https://thesamikhsya.com/odia/wp-content/uploads/2019/02/Saurabh_Chaudhary.jpg)
ନୂଆଦିଲ୍ଲୀ ଠାରେ ଚାଲିଥିବା ଅନ୍ତର୍ଜାତୀୟ ବନ୍ଧୁକ ଚାଳନା କ୍ରୀଡା ମହାସଂଘ (ଆଇଏସଏସଏଫ) ବିଶ୍ଵକପରେ ଭାରତର ଆଉ ଏକ ବଡ ସଫଳତା। ୧୬ ବର୍ଷୀୟ ସୌରଭ ଚୌଧୁରୀ ଚଳିତ ବର୍ଷ ଏହି ଟୁର୍ଣ୍ଣାମେଣ୍ଟରେ ଦେଶକୁ ଦେଇଛନ୍ତି ଆଉ ଏକ ସ୍ଵର୍ଣ୍ଣ। ଏହି କମ ବୟସ୍କ ନାବାଳକ ଯୁବକ ୧୦ ମିଟର ଏୟାର ପିସ୍ତଲରେ ବିଜୟ ହୋଇ ସ୍ଵର୍ଣ୍ଣ ପଦକ ଲାଭ କରିଛନ୍ତି। ଅନ୍ତିମ ରାଉଣ୍ଡରେ ସୌରଭ ଚୌଧୁରୀ ନିଶାନ ଲଗାଇ ବିଶ୍ଵ ରେକର୍ଡ ମଧ୍ୟ ସୃଷ୍ଟି କରିଛନ୍ତି। ସେ ୨୪୫ ଅଙ୍କ ପାଇ ପ୍ରଥମ ସ୍ଥାନ ଅକ୍ତିଆର କରିଥିବାବେଳେ,ସର୍ବିଆ ଦ୍ଵିତୀୟ ସ୍ଥାନ ଏବଂ ଚୀନ ତୃତୀୟ ସ୍ଥାନ ଅଧିକାର କରିଛି। ସେ ଦୁଇ ଦେଶର ଖେଳାଳି ଯଥାକ୍ରମେ ୨୩୯ ଏବଂ ୨୧୫ ଅଙ୍କ ପାଇଥିଲେ। ପୂର୍ବରୁ ଅପୂର୍ବୀ ଚାଣ୍ଡେଲ ମହିଳା ବର୍ଗରେ ବିଶ୍ଵରେକର୍ଡ ସହ ସ୍ଵର୍ଣ୍ଣ ପଦକ ଲାଭ କରିଥିଲେ।
Tags: saurabhchaudhury, thesamikshya