ନିକଟରେ ବିଗବସ୍ ସିଜିନ୍ ୧୧ର ବିଜେତା ଶିଳ୍ପା ସିନ୍ଧେ କଂଗ୍ରେସରେ ଯୋଗଦେବା ପରେ ବିଗ୍ବସ୍ର ଆଉ ଜଣେ ପ୍ରତିଯୋଗୀ ରାଜନୀତିରେ ପାଦ ଦେବାକୁ ଯାଉଛନ୍ତି । ଅର୍ଶୀ ଖାନ ମଧ୍ୟ ରାଜନୀତିରେ ପାଦ ଥାପିବାକୁ ଯାଉଛନ୍ତି । ଅର୍ଶୀ ନିଜେ ଏହି ଖବରକୁ ସ୍ପଷ୍ଟ କରାଇଛନ୍ତି । ସେ ମହାରାଷ୍ଟ୍ରରେ କଂଗ୍ରେସର ଉପାଧ୍ୟକ୍ଷ ରୂପରେ ପଲିଟିକାଲ ଇନିଙ୍ଗସର ଆରମ୍ଭ କରିବେ । ତେବେ ଅର୍ଶୀ ଖାନଙ୍କୁ ବିବାଦର ଅନ୍ୟ ନାମ ବୋଲି କୁହାଯାଏ । ବିଗ ବସରେ ତାଙ୍କର ଯାତ୍ରାରେ ବହୁ ହଙ୍ଗାମା ହୋଇଥିଲା । ତେବେ ଅର୍ଶୀ ଖାନ ପାକିସ୍ତାନର କ୍ରିକେଟର ସାହିଦ ଆଫ୍ରିଦଙ୍କ ସହ ସମ୍ପର୍କରେ ଥିବା ଦାବୀ କରିଥିଲେ । ସେ ଏହା ମଧ୍ୟ କହିଥିଲେ କି, ସେ ସାହିଦ ଆଫ୍ରିଦଙ୍କ ସନ୍ତାନର ମା ହେବାକୁ ଯାଉଛନ୍ତି । ତାଙ୍କର ଏହି ବୟାନ ପରେ ବହୁ ହଙ୍ଗାମା ସୃଷ୍ଟି ହୋଇଥିଲା ।
Tags: arshikhan, thesamikhsya
