(ସମୀକ୍ଷା ବ୍ୟୁରୋ) ମାତ୍ର ଶହେ ଦିନ ଭିତରେ କରୋନା ଭୂତାଣୁ ପୃଥିବୀର ଲକ୍ଷେ ଲୋକଙ୍କର ପ୍ରାଣ ନେଇଛି। ଗତ ଦୁଇ ସପ୍ତାହ ଭିତରେ କରୋନା ଆକ୍ରାନ୍ତଙ୍କ ସଂଖ୍ୟା ୨ ଗୁଣ ରୁ ଅଧିକ ବଢିଥିବା ବେଳେ ମୃତ୍ୟୁ ସଂଖ୍ୟା ଅସମ୍ଭବ ଭାବେ ବଢି ଚାଲିଛି। ଚୀନରେ ଏହା ଆରମ୍ଭ ହୋଇଥିଲେ ମଧ୍ୟ ସେଠିକାର ଆକ୍ରାନ୍ତ ଓ ମୃତକଙ୍କ ସଂଖ୍ୟା ଆଜିର ୟୁରୋପ ଏବଂ ଆମେରିକା ତୁଳନାରେ ଯଥେଷ୍ଟ କମ। ଆଜି ରାତି ୧୨ ତା ସୁଦ୍ଧା କରୋନା ଭୂତାଣୁରେ ଆକ୍ରାନ୍ତଙ୍କ ସଂଖ୍ୟା ୧,୬୭,୬୫,୩୨ରେ ପହଞ୍ଚିଛି। ଏହି ଭୟଙ୍କର ଭୂତାଣୁର ଶିକାର ହୋଇ ପୃଥିବୀର ୧୦୧,୫୫୧ ବ୍ୟକ୍ତି ପ୍ରାଣ ହରାଇଲେଣି। ଏହା ସହିତ ୩୭୨,୨୫୩ ଏହି ଭୂତାଣୁ କବଳରୁ ମୁକ୍ତି ପାଇ ଆରୋଗ୍ୟ ଲାଭ କରିଛନ୍ତି।
ସମ୍ପ୍ରତି ସର୍ବାଧିକ କରୋନା ଆକ୍ରାନ୍ତ ଯୁକ୍ତରାଷ୍ଟ୍ର ଆମେରିକାରେ ରହିଛନ୍ତି। ଆଜି ସୁଦ୍ଧା ଆମେରିକାରେ ସର୍ବାଧିକ ୪୮୮,୯୮୦ ଆକ୍ରାନ୍ତ ରହିଥିବା ବେଳେ ୧୮୦୦୯ ବ୍ୟକ୍ତି ପ୍ରାଣ ହରାଇଛନ୍ତି। ଆସନ୍ତା କାଲି ହୁଏତ କରୋନା ଜନିତ ମୃତ୍ୟୁ ସଂଖ୍ୟାରେ ଆମେରିକା ଇଟାଲି ଓ ସ୍ପେନକୁ ଟପି ଯାଇପାରେ। ବର୍ତ୍ତମାନ ସ୍ପେନ ରେ ୧୫୭,୦୫୩ ଆକ୍ରାନ୍ତ ଓ ୧୫,୯୭୦ ମୃତ ବୋଲି ସୂଚନା ରହିଛି। ଇଟାଲୀ ରେ ୧୪୭,୫୭୭ ଆକ୍ରାନ୍ତ ୧୮,୮୪୯ ମୃତ, ଫ୍ରାନ୍ସରେ ୧୨୪, ୮୬୯ ଆକ୍ରାନ୍ତ ଓ ୧୩,୧୯୭ ମୃତ, ଜର୍ମାନୀରେ ୧୧୯,୬୨୪ ଆକ୍ରାନ୍ତ ଓ ୨୬୦୭ ମୃତ, ଚୀନରେ ୮୧,୯୦୭ ଆକ୍ରାନ୍ତ ଓ ୩୩୩୬ ମୃତ, ଇଂଲଣ୍ଡରେ ୭୩,୭୫୮ ଆକ୍ରାନ୍ତ ଓ ୮୯୫୮ ମୃତ, ଇରାନରେ ୬୮,୧୯୨ ଆକ୍ରାନ୍ତ ଓ ୪୨୩୨ ମୃତ। ପୃଥିବୀର ୨୧୦ ରେ କରୋନା ଭୂତାଣୁର ମୃତ୍ୟୁ ଲୀଳା ଅବ୍ୟାହତ ରହିଛି।
ଦକ୍ଷିଣ ଏସିଆରେ ୟୁରୋପ ଏବଂ ଆମେରିକା ତୁଳନାରେ କରୋନାର ପ୍ରକୋପ ଆପାତତଃ କମ ରହିଛି। ଭାରତରେ ୭୫୯୮ ଆକ୍ରାନ୍ତ ଓ ୨୪୮ ମୃତ ବୋଲି କୋଭିଡ ଟ୍ରାକର ଇଣ୍ଡିଆ ସୂଚନା ଦେଇଛି। ପାକିସ୍ତାନରେ ୪୬୯୫ ଆକ୍ରାନ୍ତ ଓ ୬୬ ମୃତ, ଶ୍ରୀଲଙ୍କାରେ ୧୯୦ ଆକ୍ରାନ୍ତ ଓ ୭ ମୃତ, ବାଂଲାଦେଶରେ ୪୨୪ ଆକ୍ରାନ୍ତ ଓ ୨୭ ମୃତ, ନେପାଲ ରେ ୯ ଆକ୍ରାନ୍ତ, ମାଲଡେଭିସରେ ୧୯ ଆକ୍ରାନ୍ତ ଓ ଆଫଗାନିସ୍ତାନରେ ୫୨୧ ଆକ୍ରାନ୍ତ ଓ ୧୯ ମୃତ ବୋଲି ସୂଚନା ମିଳୁଛି।