ଭୁବନେଶ୍ବର : ରାଜ୍ୟରେ କୋଲକତା ଲିଙ୍କ ଚିନ୍ତା ବଢାଉଛି। ଗତକାଲି ଚିହ୍ନଟ ହୋଇଥିବା ଛଅ ଆକ୍ରାନ୍ତଙ୍କର ରହିଛି କୋଲକତା ଲିଙ୍କ୍। କେସ୍ ନଂ 95ରୁ 100 ପର୍ଯ୍ୟନ୍ତ 6 ଜଣ ଆକ୍ରାନ୍ତଙ୍କ କୋଲକାତା ଲିଙ୍କ୍ ରହିଛି ବୋଲି ରାଜ୍ୟ ସରକାର ସୂଚନା ଦେଇଛନ୍ତି। ରାଜ୍ୟରେ 8 ଜଣ କରୋନା ଆକ୍ରାନ୍ତଙ୍କ ଯାତ୍ରା ବିବରଣୀ ତଥ୍ୟ ଜାରି କରିଛନ୍ତି ରାଜ୍ୟ ସରକାର । ଆଜି କେସ୍ ନମ୍ବର 95ରୁ 102 ପର୍ଯ୍ୟନ୍ତ 8 ଜଣ ଆକ୍ରାନ୍ତଙ୍କ ତଥ୍ୟ ଜାରି କରାଯାଇଛି।
କୋଲକାତା ଲିଙ୍କ୍ ଥିବା ସମସ୍ତ ଛଅ ଜଣ ଯାକ ଯାଜପୁର ଜିଲ୍ଲାର ବୋଲି ସୂଚନା ରହିଛି। ଅନ୍ୟ ଦୁଇ କରୋନା ଆକ୍ରାନ୍ତ କେସ୍ ନମ୍ବର 101 ଓ 102 ସୁନ୍ଦରଗଡ ଜିଲ୍ଲାର। ଏହି ଦୁଇ ଆକ୍ରାନ୍ତ କେସ୍ ନମ୍ବର 69 ଦ୍ବାରା ସଂକ୍ରମିତ ହୋଇଛନ୍ତି।
95 ନମ୍ବର ଆକ୍ରାନ୍ତ 23 ବର୍ଷର ଯୁବକ ହୋଇଥିବା ବେଳେ ସେ 29 ମାର୍ଚ୍ଚରେ ବୋଲେରୋ ଯୋଗେ 6 ଜଣଙ୍କ ସହ ନିଜ ଗାଁ କଟିକଟା ଫେରିଥିଲେ। ସେହିପରି 96, 97, 98 ନମ୍ବର ଆକ୍ରାନ୍ତ ବି ଦଶରଥପୁର ବ୍ଲକ କଟିକଟା ଗାଁର । ସେମାନେ 29 ତାରିଖରେ କୋଲକାତାରୁ ଫେରିଥିଲେ ।
କେସ୍ ନମ୍ବର 99 ଦଶରଥପୁର ବ୍ଲକର ମହାନ୍ତି ପାଟଣା ବୋଲିଜଣାପଡିଛି । ସେ ମାର୍ଚ୍ଚ 29 ତାରିଖରେ ଆଠ ଜଣ ଯାତ୍ରୀଙ୍କ ସହ ଏକ ବୋଲେରୋ ଭଡା କରି ବାଲେଶ୍ବରରୁ ନିଜ ଗ୍ରାମରେ ପହଞ୍ଚିଥିଲେ । 29ରୁ ଏପ୍ରିଲ୍ 20 ପର୍ଯ୍ୟନ୍ତ ହୋମ୍ କ୍ବାରେଣ୍ଟିନ୍ରେ ରହୁଥିଲେ । ପରେ ସରକାରୀ କ୍ବାରେଣ୍ଟିନ୍ ସେଣ୍ଟରରୁ ଏପ୍ରିଲ୍ 21ରୁ ଏପ୍ରିଲ୍ 25 ତାରିଖ ପର୍ଯ୍ୟନ୍ତ ରହିଥିଲେ । 25 ତାରିଖ ଦିନ ପଜିଟିଭ୍ ଆସିବା ପରେ ତାଙ୍କୁ ଟାଟା କୋଭିଡ୍ ହସ୍ପିଟାଲ୍ରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
